RegionalPosted at: Feb 3 2018 3:18PM کشمیری طلباء پر کئے گئے حملے سے افسردہ ہیں محبوبہ اور عمر
سرینگر 3 فروری (یو این آئی) ہریانہ کے مهیندرگڑھ میں کشمیری طلباء پر ہوئے حملےپر جموں و کشمیر کی وزیر اعلی محبوبہ مفتی اور نیشنل کانفرنس (این سی) کے ایگزیکٹو چیئرمین عمر عبداللہ نے گہرے دکھ کا اظہار کیا ہے۔
جموں کشمیر پولیس کے ایک ترجمان نے کہا ’’پولیس نے ہریانہ کے مہندرگڑھ میں کل کچھ کشمیری طلباء پر کئے گئے حملے کو سنجیدگی سے لیا ہے اور ہمارے افسران طلباء کے ساتھ رابطہ بنائے ہوئے ہیں۔
انہوں نے کہا کہ اس بابت مہندرگڑھ میں ایف آئی آر درج کرائی گئی ہے۔
طلبا نے وزیر اعظم نریندر مودی، محترمہ محبوبہ مفتی، مسٹر عبداللہ اور جموں و کشمیر پولیس کو کل ٹویٹ پر بتایا ’’محترم ہم لوگ ہریانہ کی سینٹرل یونیورسٹی کے طالب علم ہیں۔ ہم لوگ آج جمعے کی نماز ادا کرنے کے لئے یونیورسٹی کے احاطے سے باہر گئے تھے۔ اسی دوران کچھ لوگوں نے ہماری پٹائی کر دی‘‘۔
محترمہ محبوبہ نے ٹوئٹر پر لکھا ’’ہریانہ کے مهیندرگڑھ میں کشمیری طالب علموں پر حملے کی خبر سن کر دکھی اور پریشان ہوں۔ میں انتظامیہ سے اس معاملے کی تحقیقات اور سخت کارروائی کرنے کی اپیل کرتی ہوں‘‘۔
مسٹر عبداللہ نے ٹوئٹر پر لکھا ’’یہ خوفناک اور وزیر اعظم نریندر مودی کی جانب سے لال قلعہ سے کی گئی تقریر کے جذبہ کے خلاف ہے۔ مجھے امید ہے کہ ہریانہ کے افسر ان اس تشدد کے خلاف فوری کارروائی کریں گے‘‘۔
یو این آئی۔ شا پ۔ 1011