سری نگر، 12 اگست (یو این آئی) جنوبی کشمیر کے ضلع پلوامہ میں بدھ کی علی الصبح ہونے والے ایک مختصر مسلح تصادم میں ایک جنگجو مارا گیا ہے مسلح تصادم کے دوران جنگجوئوں کی ابتدائی فائرنگ سے ایک فوجی جوان ہلاک جبکہ دوسرا ایک زخمی ہوگیا ہے مہلوک جنگجو کی شناخت حزب المجاہدین سے وابستہ کمانڈر آزاد لالہاری کے بطور ہوئی ہے۔
جموں وکشمیر پولیس کے سربراہ دلباغ سنگھ نے کہا کہ پلوامہ کے کمرازی پورہ میں مارا جانے والا جنگجو کمانڈر آزاد لالہاری پلوامہ کے ہی پرچھو علاقے میں سال رواں کے 22 مئی کو ایک ناکہ پارٹی پر حملہ کرنے میں ملوث تھا جس میں انوپ سنگھ نامی ایک ہیڈ کانسٹیبل کی موت واقع ہوئی تھی۔ انہوں نے کہا کہ مہلوک جنگجو پی ایس اے کے تحت بند بھی تھا۔.
سری نگر میں قائم فوج کی پندرہویں کور کے آفیشل ٹویٹر ہینڈل پر ضلع پلوامہ کے کامرازی پورہ میں ایک جنگجو اور ایک فوجی جوان کی ہلاکت کی تصدیق کی گئی ہے۔
فوج کی ایک ٹویٹ میں کہا گیا: 'آپریشن کامرازی پورہ اپڈیٹ۔ ایک دہشت گرد مارا گیا۔ ایک اے کے رائفل، کچھ گرینیڈس، پائوچس اور دیگر جنگی ساز و سامان برآمد کیا گیا ہے۔ ایک فوجی نے دوران ڈیوٹی اپنی قربانی پیش کی۔ تلاشی آپریشن جاری ہے'۔
جاری۔ یو این آئی۔ ظ ح بٹْ۔ ایم افضل۔ شا پ۔ 1346