سری نگر، 15 دسمبر (یو ا ین آئی) جنوبی کشمیر کے ضلع پلوامہ کے خارپورہ سرنو میں ہفتہ کی علی الصباح ہونے والے ایک مسلح تصادم میں حزب المجاہدین سے وابستہ تین مقامی جنگجو مارے گئے۔ تصادم کے دوران ایک فوجی اہلکار ہلاک جبکہ دو دیگر زخمی ہوگئے۔
مسلح تصادم کے دوران اور اس کے بعد جنگجوﺅں کی حمایت میں سامنے آنے والے عام شہریوں پر سیکورٹی فورسز نے مبینہ طور پر اپنی بندوقوں کے دھانے کھول دیے جس کے نتیجے میں 7 عام شہری ہلاک جبکہ درجنوں دیگر زخمی ہوگئے۔ جنگجوﺅں اور عام شہریوں کی ہلاکت کی وجہ سے جنوبی کشمیر کی صورتحال انتہائی تشویشناک رخ اختیار کرگئی ہے۔
جنوبی کشمیر کے بیشتر حصوں میں موبائیل انٹرنیٹ خدمات منقطع کی گئی ہیں، جبکہ ریلوے انتظامیہ نے پولیس کے مشورے پر ریل خدمات روک دی ہیں۔
سرکاری ذرائع نے بتایا کہ مہلوک جنگجوﺅں میں ٹیریٹوریل آرمی اہلکار سے جنگجو بننے والا ظہور احمد ٹھوکر بھی شامل ہے۔ مہلوک عام شہریوں میں انڈونیشیا میں ایم بی اے کی ڈگری حاصل کرچکے عابد حسین لون بھی شامل ہیں۔
جاریْ۔ یو این آئی۔ ظ ح بٹ۔ شاپ۔ 1248