NationalPosted at: Feb 24 2018 7:10PM معروف صحافی نیلابھ مشرا نہیں رہے
نئی دہلی‘ 24 فروری (یو این آئی) نیشنل ہیرالڈ گروپ کے چیف ایڈیٹر نیلابھ مشرا کا آج چینئی میں انتقال ہوگیاں ان کی عمر 57برس تھی۔
مسٹرمشرا کو لیوروسس کی بیماری کی وجہ سے چینئی کے اپولو اسپتال میں داخل کرایا گیا تھا‘ جہاں انہوں نے صج ساڑھے ساتھ بجے آخری سانس لی۔ ان کی آخری رسومات چینئی میں ہی آج سہ پہر تین بجے ادا کردی گئیں۔
کانگریس صدر راہل گاندھی نے مسٹر مشرا کی وفات پر گہرے رنج و غم کااظہار کیا ہے۔ انہوں نے اپنے آفیشیل ٹوئٹر ہینڈل پر مسٹر مشرا کو ’ایڈیٹروں کا ایڈیٹر‘ اور جرات کے ساتھ سچائی کا سامنا کرنے والی شخصیت قرار دیا ہے۔
آوٹ لک(ہندی) کے سابق مدیر مسٹر مسرا گذشتہ ایک سال سے علیل تھے۔ پہلے انہیں دہلی کے آل انڈیا انسٹی ٹیوٹ آف میڈیکل سائنسز میں داخل کرایا گیا تھا۔ لیور ٹرانسپلانٹیشن کے لئے انہیں چینئی کے اپولو اسپتال میں لے جایا گیا تھا۔ مسٹر مشرا کے پسماندگان میں اہلیہ کویتا سریواستو ہیں وہ ایک انسانی حقوق کی ایک معروف کارکن ہیں۔
سولہ جون 1960کو بہار کے پٹنہ میں پیدا ہوئے مسٹر مشرا نے پٹنہ کالج سے بی اے (انگلش آنرز) کرنے کے بعد دہلی یونیورسٹی سے انگلش میں ایم اے کیا ۔ انہوں نے 984 میں نوبھارت ٹائمس سے صحافت کا آغاز کیا اور پٹنہ او ر جے پور ایڈیشن میں کام کرنے کے بعد جے پور کے ایناڈو گروپ سے وابستہ ہوگئے۔
آوٹ ہندی کی اشاعت کے بعد وہ دہلی آگئے اور بعد میں اس کے ایڈیٹر بنے۔ اس کے بعد وہ نیشنل ہیرالڈ گروپ کے ایڈیٹر مقرر ہوئے۔ وہ ہندی اور انگلش میں لکھتے تھے۔ اس کے علاوہ انہوں نے ہندی میں اہم تنقیدی بھی لکھی۔ وہ ملک میں انسانی حقوق کی تحریک اور کئی سماجی تحریکوں سے بھی وابستہ رہے۔ ادب اور ثقافت میں ان کی گہری دلچسپی تھی۔
مسٹر راہل گاندھی کے علاوہ کمیونسٹ پارٹی (ایم ایل) ‘ مختلف صحافی تنظیموں اور ملک کے اہم صحافیوں نے بھی مسٹر مشرا کی وفات پر گہرے رنج و غم کا اظہار کیا ہے۔
یو این آئی ج ا