کالی کٹ، 5جنوری (یو این آئی) جامعہ الثقافۃ سنیہ الاسلامیہ کے وائس چانسلر شیخ ابوبکر احمد کو غلاف کعبہ کا ایک ٹکڑ ا پیش کرتے ہوئے سعودی عرب حکومت کے نمائندے عثمان یحی البکری اور شیخ صالح محمد الحجازی نے کہا کہ ان کی حکومت یہ تحفہ ان شخصیات کو پیش کرتی ہے جو دعوتی، اسلامی، تعلیمی اور دیگر کاموں میں نمایاں خدمات انجام دیتی ہیں۔
سعودی عرب کے دونوں نمائندے نے گزشتہ رات مرکز یہاں مرکز کے چار روزہ روبی جبلی عالمی کانفرنس کے روحانی کانفرنس کے دوران مسٹر ابوبکر کو پیش کیا اور کہاکہ ہمیں آپ کی خدمات دیکھ بہت خوشی ہورہی ہے اور جس طرح آپ نے تعلیمی اور تصوف کے میدان میں کام کیا ہے وہ قابل مبارکباد ہے۔
اس موقع پر شیخ ابوبکر نے اپنے تاثرات کا اظہار کرتے ہوئے غلاف کعبہ کے ٹکڑا پیش کرنے پر حکومت سعودی عرب کا شکریہ ادا کرتے ہوئے کہاکہ سعودی حکومت کا یہ تحفہ ہمارے لئے بیش قیمتی تحفہ ہے اور سرمایہ حیات بھی۔ انہوں نے روحانی کانفرنس سے خطاب کرتے ہوئے کہا کہ اس دوڑ بھاگ کی زندگی میں جب کہ انسان پریشان حال ہے اور زندگی کی آشائش کے بعدبھی سکون میسر نہیں ہے ایسی صورت حال اللہ کا ذکر ہی قلب کو سکون فراہم کرسکتا ہے۔
انہوں نے کہا کہ مرکز میں جہاں تعلیم کے علاوہ دیگر باتوں پر زور دیا جاتا ہے وہیں ذکر و اذکار اور روحانیت پر بھی زور دیا جاتا ہے اور مسلمانوں کو چاہئے کہ وہ تھورا وقت نکال کر اللہ کا ذکر کریں تاکہ وہ دیگر برائیوں سے بچ سکیں۔ اس پروگرام میں ہزاروں لوگوں نے مسلمانوں اور ملک کی سلامتی کے لئے دعائیں بھی کیں۔اس کے اہم شرکاء میں سید تنویر ہاشمی، سید شہیر بشیر بخاری حیدرآباد، ڈاکٹر مجیب الرحمان علیمی یوپی، سی محمد فیضی، ڈاکٹر عبدالحکیم ازہری، ڈاکٹر حسین ثقافی، اس کے علاوہ بیرون ممالک کے درجنوں شرکاء تھے۔
یو این آئی۔ ع ا۔ شا پ۔ 1612