بنگلورو، 18 مئی (یو این آئی) بھارتیہ جنتا پارٹی (بی جے پی) کے رہنما جی دیوراج گوڑا نے، جو مختلف الزامات میں جیل میں ہیں، یہ کہتے ہوئے سنسنی خیز الزام لگایا ہے کہ ریاست کے نائب وزیر اعلیٰ ڈی کے شیوکمار نے انہیں جنتا دل سیکولر (جے ڈی) کے ریاستی صدر ایچ ڈی کمارا سوامی پر ہاسن سے رکن پارلیمنٹ پراجول ریوانہ سے جڑے مبینہ جنسی استحصال کی ویڈیو پین ڈرائیور لیک کرنے کا الزام لگانے کے لئے 100 کروڑ روپے کی پیشکش کی تھی۔
بی جے پی لیڈر نے مسٹر شیوکمار پر وزیر اعظم نریندر مودی کی ساکھ کو خراب کرنے اور مسٹر کمار سوامی کو بدنام کرنے کی کوشش کرنے کا الزام لگایا۔
مسٹر دیوراجے گوڑا نے جمعہ کو دیر گئے اپنی ضمانت کی عرضی کی سماعت کے بعد ہاسن میں نامہ نگاروں کو بتایاکہ ’’اس نے (مسٹر شیوکمار) نے مجھے نہ صرف 100 کروڑ روپے کی پیشکش کی بلکہ مجھے بنگلورو کے بوئرنگ کلب میں کمرہ نمبر 110 کے لیے 5 کروڑ روپے کا ایڈوانس رقم بھی بھیج دی۔"
بی جے پی لیڈر نے کہا کہ انہوں نے رشوت کی پیشکش کو ٹھکرا دیا اور اس کی وجہ سے انہیں کئی قانونی پریشانیوں کا سامنا کرنا پڑا۔ انہوں نے کہاکہ "چونکہ میں نے ان کے ساتھ تعاون کرنے سے انکار کر دیا، اس لیے انھوں نے پہلے مجھے ٹارچر کیس، پھر جنسی زیادتی کے مقدمے میں اور آخر میں عصمت دری کا مقدمہ درج کیا۔" اس بات پر اصرار کرتے ہوئے کہ ان کے دعووں کو ثابت کرنے کے لیے ثبوت موجود ہیں، انہوں نے کہاکہ ’’میرے رہا ہوتے ہی حکومت گر جائے گی۔‘‘
یواین آئی۔ ظ ا