سری نگر، 18 نومبر (یو این آئی) وادی کشمیر میں سکیورٹی وجوہات کے پیش نظر آج ریل خدمات ملتوی کردی گئیں۔ وادی کے باہری علاقے میں کل تصادم میں ایک پولیس سب انسپکٹر شہید اور ایک جنگجو مارا گیا تھا۔
ریلوے کے ایک افسر نے یو این آئی کو بتایا کہ سکیورٹی کے پیش نظر وادی میں سبھی ٹرینیں ملتوی کردی گئی ہیں۔
انہوں نے کہا کہ پولیس اور انتظامیہ کی جانب سے ہدایت ملی جس میں متعلقہ افسران کو کوئی ٹرین نہ چلانے کا احکام جاری کیا گیا تھا۔ اس کے مدنظر وسطی کشمیر کے سری نگر۔ بڈگام سے شمالی میں بارہ مولہ کے درمیان سبھی ترینوں کو ملتوی کردیا گیا ۔ جنوبی کشمیر میں بڈگام۔ سری نگر سے اننت ناگ سے جموں علاقے میں بنیہال کے لئے سبھی ٹرینوں کو ملتوی کردیا گیا۔
افسر نے بتایا کہ سنیچر اور پیر کو مسافروں کا کافی دباؤ ہوتا ہے کیونکہ اتوار کو لوگ اپنے کنبے کے ساتھ چھٹی منانے جاتے ہیں اور چھٹی کے بعد اپنے کاموں پر واپس آتے ہیں۔
انہوں کہا کہ آج صبح ریلوے اسٹیشن پر پہنچے سیکڑوں مسافر ریل خدمات ملتوی ہونے کی اطلاع ملنے پر کافی مایوس ہوئے۔ ریل خدمات محفوظ، تیز اور کفایتی ہونے کی وجہ سے وادی کشمیر میں کافی مقبول ہے۔
یو این آئی۔ این یو۔