نئی دہلی، 30مئی (یو این آئی) دہلی کے وزیراعلی اروند کیجریوال نے کہاکہ دہلی میں کورونا کے معاملات بڑھ رہے ہیں یہ تشویش کا موضوع ہے لیکن ابھی گھبرانے کی بات نہیں ہے۔
مسٹر کیجریوال نے ویڈیو کانفرنسنگ کرکے سنیچر کو کہا کہ گزشتہ ہفتہ ہمارے پاس 4500کووڈ کے بیڈ تھے لیکن آج کی تاریخ میں 6600بیڈ دستیاب ہیں۔ گزشتہ 14مئی کو دہلی میں تقریباًً 8500مریض تھے اور اس وقت تقریباًً 17000ہزار ہیں۔ دہلی میں گزشتہ 15دنوں میں تقریباً 8500مریضوں کا اضافہ ہوا ہے۔ ان میں سے 500مریض اسپتالوں میں داخل ہوئے۔ فی الحال موجود 6600کووڈ بیڈ میں سے ابھی صرف 2100بیڈ پر مریض ہیں او ر آج بھی 4500بیڈ ابھی خالی اور دستیاب ہیں۔ پانچ جون تک دہلی میں کووڈ بیڈ کی تعداد 9500ہوجائے گی۔
انہوں نے کہاکہ اب کووڈ 19کے مریضوں کو اسپتالوں میں دستیاب بیڈ، وینٹی لیٹر یا آکسیجن کی معلومات حاصل کرنے کے لئے دھکے نہیں کھانے ہوں گے۔ دہلی حکومت ایک ایپ لانچ کرنے والی ہے، جہاں یہ تمام معلومات مل سکیں گی۔ اس کے علاوہ ایک ویب پیج بھی شروع کیا جائے گا اور ہیلپ لائن نمبر 1031پر بھی معلومات حاصل کرسکیں گے۔ سوشل میڈیا پر لوگوں کو گمراہ کرنے کے لئے فرضی ویڈیو ڈالنے والوں کے لئے مسٹر کیجریوال نے کہاکہ ایسا کرنے والے لوگ کورونا مجاہدین کی محنت کی توہین کررہے ہیں۔ یہ وقت سیاست کرنے کا نہیں بلکہ ملک کے لئے کام کرنے کا ہے۔ انہوں نے سے اپیل کی کہ وہ اس طرح کی فرضی ویڈیو پر آنکھ بند کرکے بھروسہ نہ کریں۔ ویڈیو صحیح ملنے پر ہم فوری طورپر کارروائی کریں گے۔
وزیراعلی نے کہاکہ دہلی میں کل تک کل ملاکر 17386کورونا کے معاملات آئے۔ ان میں سے 7846لوگ ٹھیک ہوکر گھر چلے گئے۔ 9142لوگ ابھی بیمار ہیں اور 398لوگوں کی کورونا کی وجہ سے موت ہوگئی۔ گزشتہ کچھ دنوں میں ہلی میں کورونا کے معاملات تیزی سے بڑھ رہے ہیں۔ اس بات کو قبول کرتے ہیں۔ یہ تھوڑا تشویش کا موضوع ہے لیکن گھبرانے کی ضرورت نہیں ہے۔ میں آپ کا وزیراعلی ہونے کے ناطے یہ یقین دلانا چاہتا ہوں کہ آپ کی حکومت کورونا سے چار قدم آگے چل رہی ہے۔جتنی ضرورت ہے اس سے کہیں زیادہ انتظام ہم آپ کے علاج کے لئے کررہے ہیں۔
یو این آئی۔ م ع۔ 2330