نئی دہلی، 6جولائی (یو این آئی) دہلی کے وزیراعلی اروند کیجریوال اور نائب وزیراعلی منیش سسویا نے پیر کو راجیو گاندھی سپراسپیشلٹی اسپتال کا دورہ کیا اور کورونا مجاہد ڈاکٹروں و نرسوں کو سرٹی فکیٹ دیکر اعزاز سے نوازا۔
مسٹر کیجریوال نے نامہ نگاروں سے کہا کہ دہلی میں کورونا کی لڑائی میں راجیو گاندھی سپر اسپیشلٹی اسپتال بہت اہم کردار ادا کررہا ہے۔ دہلی میں سب سے پہلے ایل این جے پی اسپتال کو کووڈ اسپتال اعلان کیا گیا تھا۔ اسکے بعد راجیو گاندھی سپراسپیشلٹی اسپتال کو کووڈ اسپتال اعلان کیا گیا۔ تب سے یہاں کے ڈاکٹر، نرس اور پیرامیڈیکل اسٹاف تمام لوگ متحد ہوکر رات دن خدمت کررہے ہیں۔ کبھی کسی طرح کی کوئی ہچکچاہٹ نہیں دکھائی۔ کورونا وائرس ایسا ہے جس سے تمام کو خوف ہے لیکن راجیو گاندھی سپر اسپیشلٹی اسپتال کے ڈاکٹروں، نرسوں اور میرا میڈیکل اسٹاف سب نے بہت بہادری کے ساتھ اور خدمت کے جذبہ سے اب تک مریضوں کی خدمت کی ہے۔ آج یہاں سے ایک ہزار مریض علاج کراکر ٹھیک ہوکر گھر جاچکے ہیں۔ جس طرح سے راجیو گاندھی سپر اسپیشلٹی اسپتال کی خدمت کررہا ہے، اس سے ہم بہت خوش ہیں۔
مسٹر کیجریوال نے کہا کہ کچھ دن پہلے تک یہاں صرف 45آئی سی یو بیڈ تھے۔ اب ہم دہلی کے اندر کورونا کو اس طرح کنٹرول کررہے ہیں کہ کسی کو ہلکی علامات ہیں یا ایسمی ٹومیٹک ہے تو وہ اپنے گھر میں علاج کرسکتا ہے۔ ہم ان کے گھر پر آکسی میٹر پہنچا دیتے ہیں۔ ان سے یومیہ بات کرتے ہیں، اس سے لوگ مطمئن ہیں اور اگر آپ کی حالت سنگین ہوتی ہے تو اسپتال لے آتے ہیں۔ آئندہ وقت میں آئی سی یو بیڈ کی سب سے زیادہ ضرورت پڑے گی۔ اب دہلی میں بیڈ کی کمی نہیں ہے۔ دہلی میں تقریباًً 15500بیڈ ہوگئے ہیں۔ اسپتالوں میں ابھی صرف 5100مریض ہی داخل ہیں۔ اس طرح دس ہزار کے قریب بیڈ خالی ہیں۔
جاری یو این آئی۔ م ع۔ 2150