RegionalPosted at: Jan 9 2018 12:35PM كوكرناگ میں تصادم ، 2 دہشت گرد مارے گئے
سرینگر، 9 جنوری ( یواین آئی) جنوبی کشمیر کے اننت ناگ ضلع میں آج سیکورٹی فورسز کے ساتھ ہو نے والی مڈبھیڑمیں دو دہشت گرد مارے گئے۔
سرکاری ذرائع نے ’یو این آئی‘ کو بتایا کہ دہشت گردوں کے چھپے ہونے کی خفیہ اطلاع ملنے کے بعد جموں کشمیر پولیس کی خصوصی ٹیم، فوج اور مرکزی ریزرو پولیس فورس (سی آر پی ایف) کی مشترکہ ٹیم نے اننت ناگ میں كوكرناگ کے پاهلي پورہ لارنو علاقے کو محاصرہ میں لیا ہواتھا۔
ذرائع نے بتایا کہ سیکورٹی فورسز کے جوان جب جنگل کےاندر جا رہے تھے تو وہاں چھپے عسکریت پسندوں نے ان پر خود کار ہتھیاروں سے فائرنگ شروع کر دی۔ سیکورٹی فورسز نے بھی اس کا منہ توڑ جواب دیا اور اس دوران دو دہشت گرد مارے گئے۔ موقع پر آس پاس کے کیمپوں سے اضافی سیکورٹی فورسز کو بھیجا گیا ہے۔ آخری خبریں ملنے تک جھڑپ جاری تھی ، سیکورٹی فورسز نے پورے علاقے کا محاصرہ کر رکھا ہے۔
یو این آئی،اظ 1207