تھانے، 26 فروری (یواین آئی) مہاراشٹر میں فوج کی بھرتی امتحان کا پرچہ لیک ہونے کے معاملے میں پولیس نے پونے، گوا اور ناگپور سمیت کئی شہروں میں چھاپے مارکر کم ازکم 18 لوگوں کو آج گرفتار کیا۔ کرائم برانچ کے سینئر پولیس انسپکٹر نتن ٹھاکرے نے یواین آئی کو بتایا کہ فوج کی بھرتی امتحان سے پہلے ہی پرچہ لیک ہونے کی خبر پر کرائم برانچ کی ٹیم نے فوراً حرکت میں آتے ہوئے مختلف شہروں سے 18 لوگوں کو گرفتار کیا اور اس معاملے میں 350 طالب علموں کو بھی حراست میں لیا گیا ہے۔ پولیس اس معاملے کی تحقیقات کر رہی ہے تاکہ اس میں شامل دیگر لوگوں کا پتہ لگایا جا سکے۔ پولیس کے مطابق لیک کیا گیا پرچہ ہر نوجوان کو دو دو لاکھ روپے میں فروخت کیا گیا تھا۔ یواین آئی۔اےایم۔