(30 جولائی سالگرہ کے موقع پر)
ممبئی، 30 جولائی (یو این آئی) منداکنی اک سابقہ بالی وڈ اداکارہیں انھوں نے 1980 اور90 کے دہے میں بالی ووڈ کی کئی فلموں میں کام کیا وہ آخری بار 1996 میں فلم زوردار میں گووندا کے ساتھ نظر آئی تھیں منداکنی کی پیدائش 30 جولائی 1969 کو میرٹھ میں اینگلو انڈین خاندان میں ہوئی ان کے والد جوزف برطانوی نژاد تھے اور ماں مسلمان تھیں منداکنی کے بچپن کا نام یاسمین جوزف تھا انہوں نے اپنے کیئریر کی شروعات 1985 میں ریلیز بنگلہ فلم انتاریر بھالوباشا سے کی تھی منداکنی نے 1985 میں فلم میرا ساتھی سے بالی ووڈ میں بھی قدم رکھا حالانکہ یہ فلم باکس آفس پر بری طرح ناکام رہی اسی سال منداکنی کی فلم رام تیری گنگا ریلیز ہوئی۔
اس فلم کے بعد منداکنی نے بالی ووڈ میں اپنی ایک خاص شناخت قائم کی۔
اس فلم میں بہترین اداکاری کے لئے انہیں بہترین فلم فیئر ایوارڈ سے بھی نوازا گیا۔

رام تیری گنگا میلی کے بعد منداکنی نے جال، لوہا، ڈانس ڈانس، جیتے ہیں شان سے ، کمانڈو، تیزاب اور جانباز جیسی کئی فلموں میں کام کیا۔

منداکنی اپنی فلموں سے زیادہ اپنی ذاتی زندگی کو لے کر موضوع بحث رہا کرتی تھیں، ان کا نام انڈرورلڈ ڈان داؤد ابراہیم کے ساتھ جوڑا گیا تھا۔
1992 کے ممبئی بم دھماکوں کے بعد منداکنی کا کیریئر بھی ڈوبنے لگا تھااورپھرانھوں نے بالی ووڈ کو الوداع کہہ دیا تھا۔
انہوں نے 1996 میں فلم زور دار میں آخری بار کام کیا تھا۔

منداکنی نے ’نو ویکنسی‘ اور ’شنبالا‘ نام سے دو میوزک ایلبم بھی نکالی۔
لیکن دونوں ہی فلاپ رہیں۔
اس کے بعد انہوں نے اس طرح کا کوئی تجربہ نہیں کیا۔

منداکنی کی شادی سابق بدھ راہب ڈاکٹر کاگیور ٹی رنپوچے ٹھاکر سے ہوئی تھی۔
شادی کے بعد منداکنی نے ہندو مذہب چھوڑ کر بدھ مت اختیار کر لیا۔
منداکنی ان دنوں فلم انڈسٹری میں سرگرم نہیں ہیں۔
وہ آج کل تبتی یوگا کلاسیز چلاتی ہیں اور دلائی لامہ کی فالوور ہیں۔

یو این آئی۔
شا پ۔
0922