NationalPosted at: Oct 13 2021 8:30PM منموہن سنگھ دہلی کے ایمس اسپتال میں داخل
نئی دہلی ، 13 اکتوبر (یو این آئی) سابق وزیر اعظم اور کانگریس کے سینئر لیڈر ڈاکٹر منموہن سنگھ کی طبیعت بگڑنے کے بعد انہیں بدھ کے روز دہلی کے آل انڈیا انسٹی ٹیوٹ آف میڈیکل سائنسز (ایمس) میں داخل کرایا گیا ۔ ذرائع نے یہ اطلاع فراہم کرتے ہوئے کہا کہ کہنہ مشق رہنما کو بخار کے بعد اسپتال پہنچایا گیا ۔ اسپتال کی جانب سے ان کی صحت کے تعلق سے ابھی تک کوئی باضابطہ معلومات یا ہیلتھ بلیٹن جاری نہیں کیا گیا ہے۔ ڈاکٹر سنگھ (89) کو اسی سال اپریل میں کووڈ 19 سے متاثر ہونے کے بعد ایمس میں داخل کرایا گیا تھا۔
یواین آئی ۔ ک ج