نئی دہلی، 23 فروری (یواین آئی) وزیر اعظم نریندر مودی نے 105 سالہ بھاگیرتھی اماں کے مطالعہ کی شدید خواہش سے لوگوں کو تحریک لینے کی درخواست کرتے ہوئے اتوار کے روز کہا کہ ہمارے اندر کے طالب علم کو کبھی مرنا نہیں چاہیے۔
مسٹر مودی نے اپنے ’من کی بات‘ پروگرام میں کہا کہ اگر ہم زندگی میں ترقی کرنا چاہتے ہیں، کچھ کر گزرنا چاہتے ہیں تو پہلی شرط یہی ہوتی ہے کہ ہمارے اندر کا طالب علم کبھی مرنا نہیں چاہیے۔ 105 سالہ بھاگیرتھی اماں ہمیں یہی ترغیب دیتی ہیں۔
بھاگیرتھی اماں کیرالا کےگاؤں میں رہتی ہیں۔ بچپن میں ہی انہوں نے اپنی ماں کو کھو دیا۔ چھوٹی عمر میں شادی کے بعد شوہر کا بھی انتقال ہوگیا تھا۔ لیکن بھاگیرتھی اماں نے اپنے حوصلے اور جذبے برقرار رکھے۔ دس سال سے کم عمر میں انہیں اپنا اسکول چھوڑنا پڑا تھا۔ 105 سال کی عمر میں انہوں نے پھر سے اسکولی پڑھائی شروع کی۔ اتنی عمر ہونے کے باوجود بھاگیرتھی اماں نے لیول ۔4 کا امتحان دیا اور بے صبری سے نتائج کا انتظار کرنے لگی۔ انہوں نے امتحان میں 75 فیصد نمبر حاصل کئے۔ اتنا ہی نہیں، ریاضی میں تو سوفیصد پوائنٹس حاصل کئے۔ اماں اب آگے پڑھنا چاہتی ہیں۔ آگے کے امتحان دینا چاہتی ہیں۔
وزیر اعظم نے کہا ’’ظاہر ہے، بھاگیرتھی اماں جیسے لوگ اس ملک کی طاقت ہیں۔ تحریک کا ایک بہت بڑا ذریعہ ہیں۔ میں آج خاص طور پر بھاگیرتھی اماں کوسلام کرتا ہوں‘‘۔
یو این آئی۔ این یو۔