NationalPosted at: Oct 9 2019 11:05PM علیحدگی پسندوں نے کشمیر میں میڈیا کو ہتھیار بنا رکھا تھا: این یو جے۔آئی
نئی دہلی، 9اکتوبر (یو این آئی) دہشت گردوں، علیحدگی پسندوں اور پاکستانی میڈیا نے اظہا ر کی آزادی، صحافت اور صحافیوں کے نام پر کشمیر میں ہندستان مخالف عناصر کو ہوا دینے کا کام کیا۔ فیک نیوز اور سوشل میڈیا کو ہتھیار کے طورپر استعمال کرکے ایسے عناصر نے ہندستان کے اتحاد ویکجہتی اور سلامتی کے لئے خطرہ پیدا کیا۔ یہ حقیقت نیشنل یونین آف جرنلسٹس۔انڈیا (این یو جے۔آئی) کی فیکٹ فائنڈنگ ٹیم کی رپورٹ میں سامنے آئی ہے۔
کشمیر سے واپس آئے این یو جے۔آئی کے وفد نے اپنی رپورٹ ’کشمیر کا میڈیا:حقائق کے آئینہ میں‘ انڈین پریس کونسل(پی سی آئی) کے صدر جج چندرمولی کمار پرساد کو سونپی۔ جس میں کہا گیا ہے کہ کشمیر میں آرٹیکل 370کے بے اثر ہونے کے بعد اخبارات میں بھی عام کشمییریوں کی اقتصادی، سماج اور سیاسی ترقی اور بنیادی ڈھانچہ سے جڑے امور پر آرٹیکل اور خبریں نظر آرہی ہیں۔ تقریباََ تین دہائیوں میں پہلی بار عام کشمیری کے معاملہ اخبارات میں ترجیحی بنیاد پر شائع ہورہے ہیں۔ یہ تبدیلی اس لئے بھی اہم ہے کیونکہ وادی کشمیر میں میڈیا کے ایک بڑے طبقہ کی آڑٹیکل پالیسیاں اور کردار مسلسل سوالات کے گھیرے میں رہے ہیں اور اس کی وجہ وہ حالات ہیں جو دہشت گردوں، علیحدگی پسندوں اور پاکستانی میڈیا کے سبب پیدا ہوئے۔
رپورٹ میں کہا گیا ہے کہ ماضی اور حال میں شائع خبروں اور ان کی جانچ پڑتال کے بعد یہ بات بھی سامنے آرہی ہے کہ دہشت گردوں، علیحدگی پسندوں اور پاکستانی میڈیا نے اظہار کی آزادی کو ہتھیار کے طورپر استعمال کرکے ایسے عناصر نے ہندستان کے اتحاد و یکجہتی کے لئے خطرہ پیدا کیا۔
جاری یو این آئی۔ م ع۔2215