NationalPosted at: Jan 23 2019 10:48PM یوم جمہوریہ پر کچھ میٹرو اسٹیشن بند رہیں گے
نئی دہلی، 23 جنوری (یو این آئی) یوم جمہوریہ پریڈ کے دن سنیچر کو سیکورٹی اسباب سے دہلی میٹرو کے کچھ اسٹیشن بند رہیں گے جبکہ کچھ اسٹیشنوں میں چنندہ گیٹوں سے آمدورفت نہیں ہوسکے گی۔ سلامتی اسباب سے تمام میٹرو اسٹیشنوں کی پارکنگ بھی بند رہیں گی۔
دہلی میٹرو کے ترجمان نے بتایا کہ یلو لائن کے سنٹرل سکریٹریٹ اور ادیوگ بھون سنیچر یعنی 26جنوری کو صبح چھ بجے سے دوپہر 12بجے تک بند رہیں گے۔ سنٹرل سکریٹریٹ پر مسافر ٹرین تبدیل کرسکیں گے۔ یلو لائن کے ہی پٹیل چوک اور لوک کلیان مارگ میٹرو اسٹیشنوں پر صبح پونے نو بجے سے دوپہر 12بجے تک آمدورفت بند رہے گی۔
پریڈ روٹ پر آنے والے وائلٹ لائن کے آئی ٹی او، دہلی گیت، لال قلعہ اور جامع مسجد اسٹیشن ویسے تو کھلے رہیں گے لیکن ان کے کچھ گیٹ سروس شروع ہونے سے لیکر دوپہر 12بجے تک بند رہیں گے۔ ان میں آئی ٹی او کے گیٹ نمبر تین ، چار اور چھ ، دہلی گیٹ کے ایک، چار ، پانچ ، لال قلعہ کا گیٹ نمبر چار اور جامع مسجد کا گیٹ نمبر تین اور چار شامل ہے۔
تمام میٹرو اسٹیشنوں پر پارکنگ 25جنوری صبح چھ بجے سے 26جنوری دوپہر دو بجے تک بند رہیں گی۔
یوا ین ائی ۔ م ع۔ 1930