NationalPosted at: Aug 9 2020 9:43PM انڈومان نکوبار بلیو اکونومی بنے گا، اسٹارٹ اپس کا بڑا مرکز: مودی
نئی دہلی، 9اگست (یو این آئی) وزیراعظم نریندر مودی نے انڈومان نکوبار جزائر کو ملک کی سلامتی اور خوشحالی کے نظریہ سے اہم قرار دیتے ہوئے آج کہاکہ ان کی حکومت جزائر گروپ میں کنیکٹویٹٹی، ڈھانچہ جاتی ترقی اور تعلیم اور علاج کے شعبہ میں خصوصی توجہ دے رہی ہے جس سے یہ ماحولیات، سیاحت، بلیو اکونومی اور اسٹارٹ اپس کا بڑا مرکز بن سکے۔
مسٹر مودی نے آج اتوار کو انڈومان نکوبار جزائرکے بھارتیہ جنتا پارٹی (بی جے پی) کے کارکنوں کے ساتھ میڈیا کانفرنسنگ کے ذریعہ بات چیت میں یہاں پر ترقی کے روڈ میپ کے بارے میں بات کی۔اس دوران انہوں نے کارکنوں کی باتیں سنیں اور کورونا سے جنگ میں اور جزائر کی ترقی میں ان کے تعاون کی تعریف بھی کی۔ اس موقع پر بی جے پی کے صدر جگت پرکاش نڈا بھی موجود تھے۔
مسٹر مودی نے کہا کہ بیماری ہو یا تجارت و کاروبار ہرمسئلہ سے نپٹنے کے لئے ہم مصروف عمل ہیں۔ ہمارے سائنسداں کوشش کررہے ہیں۔ ہماری کوشش ہونی چاہئے کہ ہم ہر گھر اور ہر کنبہ سے تعلق قائم رکھیں۔ خدمت اور لگن کے ساتھ کام کرنا ہے، آگے بڑھنا ہے۔ اس مشکل وقت میں ہمیں سب کے کام آنا ہے۔
جاری یو این آئی۔م ع۔ 2110