نئی دہلی 13 دسمبر (یو این آئی) وزیر اعظم نریندر مودی نے صحت اور خاندانی بہبود کے مرکزی وزیر ہرش وردھن کو ان کی سالگرہ پر مبارک باد دی ہے۔
مسٹر مودی نے جمعہ کو ٹویٹر پر دیئے اپنے پیغام میں کہا، "شائستہ اور ملنسار ڈاکٹر ہرش وردھن جی کو ان کی سالگرہ کے موقع پر میری دل سے نیک خواہشات۔ ڈاکٹر ہرش وردھن ایک مستعد اور مسلسل کام کرنے والے ایڈمنسٹریٹر ہیں۔ وہ صحت مند ہندستان کو یقینی بنانے کی سمت میں کام کر رہے ہیں. میں ان کی طویل اور صحت مند زندگی کا متمنی ہوں. "
ڈاکٹر ہرش وردھن کی پیدائش 13 دسمبر 1954 کو دہلی میں ہوئی تھی۔ وہ پیشے سے ناک، کان اور گلے (ای این ٹی) مرض کے ماہر ہیں۔ انہوں نے دہلی میں بھارتیہ جنتا پارٹی کی حکومت (1993-1998) کے دوران وزیر صحت، وزیر قانون اور وزیر تعلیم سمیت مختلف وزیر عہدوں پر کام کیا. ڈاکٹر ہرش وردھن کو دہلی اسمبلی انتخابات میں کبھی شکست نہیں ہوئی ہے۔
یو این آئی۔ ایم جے۔