NationalPosted at: Oct 21 2018 3:59PM غیر ملکی چشمےکے بجائے ہندوستان کو مقامی چشمےسے دیکھیں : مودی
نئی دہلی، 21 اکتوبر (یو این آئی) وزیر اعظم نریندر مودی نے ملک کی آزادی کی لڑائی میں نیتا جی سبھاش چندر بوس کے رول کو یاد کرتے ہوئے ہندوستان کو غیر ملکی چشمے کے بجائے مقامی چشمےسے دیکھنے اور نیتا جی کے بتائے ہوئے راستے پر چل کر نئے ہندوستان کی تعمیر میں لوگوں سے حصہ لینے کی اپیل کی۔
مسٹر مودی نے اتوار کو لال قلعہ کی فصیل سے 'آزاد ہند حکومت' کے قیام کے 75 سال مکمل ہونے کے موقع پر منعقدہ تقریب سے خطاب کرتے ہوئے کہا کہ نیتا جی 'بانٹو اور راج کرو ' کی پالیسی کو جڑ سے اکھاڑنا چاہتے تھے۔ انہوں نے نئے ہندوستان کا خواب دیکھا تھا لیکن آزادی کے بعد وہ خواب پورا نہیں ہوا۔ تباہ کن طاقتیں ملک کے اتحاد اور آئین پر حملے کر رہی ہیں۔
اس موقع پر نیتا جی کے بھتیجے، آزاد ہند فوج میں ان کے ساتھی اور مجاہد آزادی بھی موجود تھے۔
وزیر اعظم نے ملک کو آزادی ملنے سے پہلے لال قلعہ میں آزاد ہند فوج کے مقدمے کی پر سماعت اور متوازی حکومت کے قیام کا ذکر کرتے ہوئے کہا کہ نیتا جی کا ایک واحد مقصد ' ماں بھارتی' کو غلامی کی زنجیروں سے آزاد کرنا تھا۔ ملک کی خدمت ہی ان کا اہم مشن تھا اور اس کے لئے انہوں نے اذیتیں سهيں۔
انہوں نے کہا کہ وہ پہلے گاندھی جی کے ساتھ رہے ۔بعد میں مسلح انقلاب کی راہ اپنائی اور اس انگریزی حکومت کے خلاف جنگ کی جس کی ریاست میں سورج غروب نہیں ہوتا تھا۔
جاری۔ یو این آئی ۔م ش ۔ 1515