وارانسی، 18 ستمبر (یو این آئی) وزیر اعظم نریندر مودی اپنے پارلیمانی حلقہ وارانسی کو اپنی 68 ویں سالگرہ کے موقع پر 557 کروڑ روپے کے کئی ترقیاتی منصوبے کا تحفہ دینے کے بعد یہاں سے مقررہ پروگرام کے مطابق منگل کو دہلی کے لئے روانہ ہو گئے۔
مسٹر مودی کو وارانسی کے بابت پور لال بہادر شاستری بین الاقوامی ہوائی اڈے پر اتر پردیش کے وزیر اعلی یوگی آدتیہ ناتھ، بھارتیہ جنتا پارٹی ریاستی صدر اور چندولی کے ایم پی ڈاکٹر مہندر ناتھ پانڈے سمیت کئی لیڈروں نے الوداع کہا ۔
ہوائی اڈے کے ڈائریکٹر اے کے رائے نے بتایا کہ وزیر اعظم کا خصوصی طیارہ دوپہر تقریباً ایک بجے دہلی کے لئے روانہ ہو گیا۔
مسٹر مودی پیر کےاپنے دو روز دورہ پرشام پانج بجے یہاں آئے تھے ۔ اپنی سالگرہ 17 ستمبر کی شام روهنيا علاقے میں نرار گاؤں کے پرائمری اسکول کے بچوں اور ڈیزل انجن ریلوے فیکٹری (ڈيریكا) میں انہوں نے غریب بچوں کے ساتھ خوشیوں کا اشتراک کیا اور دیر رات کاشی وشوناتھ مندر میں پوجا ارچنا کرکے بھگوان بھولے کا آشیرواد حاصل کیا ۔ انہوں نے وارانسی کے شہری علاقے میں واقع منڈواڈيه ریلوے اسٹیشن کا اچانک معائنہ کر کے سب کو حیران کر دیا۔
دورہ کے آخری دن کاشی ہندو یونیورسٹی کیمپس میں منعقدہ ایک تقریب میں بجلی کے ترسیلی نظام، تعلیم، صحت سمیت 557 کروڑ روپے کے کئی ترقیاتی منصوبوں کا سنگ بنیاد اور نقاب کشائی کرکے اور لوگوں سے خطاب کرنے کے بعد وزیر اعظم دہلی کے لئے روانہ ہو گئے۔
یو این آئی۔ ع ا۔