NationalPosted at: Jun 1 2020 9:53PM ڈاکٹر اور طبی عملہ بغیر وردی والے فوجی: مودی
نئی دہلی، یکم جون (یواین آئی) وزیراعظم نریندر مودی نے کورونا وبا کے خلاف لڑائی میں ڈاکٹروں اور دیگر طبی عملہ کے کردار کی تعریف کرتے ہوئے انہیں ایسے فوجی قرار دیا جو جنگ تو لڑرہے ہیں لیکن فوج کی وردی میں نہیں ہیں۔
مسٹر مودی نے بنگلورو کی راجیو گاندھی یونیورسٹی ہیلتھ سائنسز کے 25ویں یوم تاسیس کی تقریب میں آج یہاں ویڈیو کانفرنسنگ کے ذریعہ حصہ لیا۔ انہوں نے کہاکہ دنیا دو عالمی جنگوں کے بعد سب سے بڑے بحران کا سامنا کررہی ہے اور جس طرح دنیا میں عالمی جنگ سے پہلے اور عالمی جنگ کے بعد تبدیلی آئی تھی اسی طرح سے کووڈ سے پہلے اور اس کے بعد کی دنیا کی الگ ہوگی۔
وزیراعظم نے کہاکہ کورونا وبا کے خلاف ملک کی باہمت لڑائی کی بنیاد ہماری طبی کمیونٹی اور ہمارے کورونا مجاہدین کی سخت محنت ہے۔ انہوں نے ڈاکٹروں اور طبی عملہ کے کردار کی تعریف کرتے ہوئے انہیں بغیر وردی کے فوجی قرار دیا۔ وزیراعظم نے کہاکہ وائرس پوشیدہ دشمن ہوسکتا ہے لیکن ہمارے کورونا مجاہدین ناقابل تسخیر ہیں اور ناقابل تسخیر بمقابلہ پوشیدہ کی جنگ میں ہمارے طبی عملہ کی جیت یقینی ہے۔
جاری یو این آئی۔ م ع۔2040