InternationalPosted at: Jun 26 2017 11:02AM تین سال، رہے ’بے مثال‘: مودی
واشنگٹن، 26 جون (یو این آئی) وزیر اعظم نریندر مودی نے اپنی حکومت کے تین سال کے کام کو ’بے مثال‘ قرار دیتے ہوئے کہاکہ ملک تیز رفتاری کے ساتھ آگے بڑھ رہا ہے اور دنیا میں ہندستان کو ایک چمکتے ہوئے ستارے کے طور پر دیکھا جا رہا ہے۔ مسٹر مودی نے ہندستانی وقت کے مطابق کل رات گئے یہاں ہندستانی برادری سے خطاب کرتے ہوئے کہاکہ ان کی حکومت پر تین سال کے دوران کوئی داغ نہیں لگا ہے جبکہ پہلے کی حکومتیں بدعنوانی اور بے ایمانی سے عام آدمی کو نفرت ہونے کے سبب بدلتی رہی ہیں۔ انہوں نے کہاکہ یہ حکومت تیز رفتاری کے ساتھ صحیح سمت میں موثر کام کر رہی ہے اور فیصلے بروقت لئے جا رہے ہیں۔ وزیر اعظم نے اپنی حکومت کے ذریعہ اٹھائے گئے اقدامات اور پروگراموں کا ذکر کرتے ہوئے کہا ’تین سال بے مثال رہے ہیں اور ہم آنے والے ہر پَل ملک کو نئی بلندیوں پر لے جانے کیلئے کام کرتے رہیں گے‘۔ جاری۔ یو این آئی۔ س ا