RegionalPosted at: Oct 17 2018 11:54PM مودی نے کارکنوں سے نمو ایپ کے ذریعہ بات چیت کی
ہوشنگ آباد، 17 اکتوبر (یو این آئی) وزیراعظم نریندر مودی نے آج مدھیہ پردیش کانگریس کے لیڈروں پر حملہ کرتے ہوئے کہا کہ ان کے لیڈر وزیراعلی بننے کے لئے آپس میں ہی لڑ رہے ہیں۔ ایسی حالت میں وہ عوامی فلاح و بہبود کی بات کیسے کریں گے۔
مسٹر مودی نے ’نمو‘ ایپ کے ذریعہ بھارتیہ جنتا پارٹی (بی جے پی) کے کارکنوں سے آن لائن بات چیت کی۔ انہوں نے کہاکہ کانگریس کے تین سینئر لیڈر وزیراعلی بننے کے لئے آپس میں الجھ رہے ہیں۔ وہیں دوسری لائن کے بھی تقریباََ ایک درجن لیڈر وزیراعلی بننے کی کوشش میں ہیں۔ ایسی حالت میں وہ عوام کی فلاح وبہبود کی بات کہاں سے سوچ سکتے ہیں۔ انہوں نے کارکنوں کا جوش بڑھا یا اور پارٹی کے مفاد میں کام کرنے کے لئے کہا۔
آن لائن بات چیت کے لئے یہاں ایک میدانی علاقہ میں بڑی اسکرین لگائی گئی تھی۔ اس موقع پر بی جے پی کے سینئر لیڈر ڈاکٹر سیتارمن شرما اور دیگر لیڈر بھی موجود تھے۔
یو این آئی ۔ م ع۔ 2156