بھوپال، 20 جولائی ( یواین آئی) مدھیہ پردیش کے وزیر اعلی کمل ناتھ نے کہا ہے کہ صحافی غیر جانبدار ہو کر حکومت سے سوال پوچھیں اور تنقید بھی کریں ۔ انہوں نے صحافت کے طلباء سے کہا کہ وہ اپنے پیشے کا احترام کریں اور اس کا حلف بھی لیں۔سرکاری اطلاعات کے مطابق مسٹر کمل ناتھ آج یہاں ماكھن لال چترویدی قومی صحافت اور مواصلات یونیورسٹی کے ایک تعلیمی پروگرام کا آغاز کر رہے تھے ۔انہوں نے کہا کہ جمہوریت کی مضبوطی کے لئے ضروری ہے کہ صحافت لالچ اور دباؤ سے اوپر اٹھ کر ہندوستان کے آئین کو اپنا جز بنائیں جو ہمیں خیالات کے اظہار کا حق دیتا ہے۔
وزیر اعلی نے کہا کہ مجھے بہت سہولت میسرہوتی ہے جب میں اپنی حکومت کی اسکیموں اور نظام کی تنقید اخبارات میں پڑھتا ہوں ۔ میں اس پر پر کاروائی کرتا ہوں ۔ اس سے مجھے اپنی حکومت کی کوتاہیوں کو دور کرنے میں مدد ملتی ہے۔مسٹر كمل ناتھ نے صحافت کے نئے اور زیز تعلیم طلباء و طالبات سے کہا کہ وہ ایک ایسے پیشے سے منسلک ہیں جو جمہوریت کا ایک اہم ستون ہے ۔ لہذا غیر جانبدار ہوکر کام کریں کیونکہ بے خوف اور غیرجانبدارنہ لکھنا جمہوریت کو مثبت طور پر متاثر کرتا ہے ۔ وزیر اعلی نے کہا کہ صحافی اور اخبارات حکومت کی اشاعت نہیں ہیں ۔ آپ کو تنقید کرنے کا حق ہے اور آپ کا فرض بھی ہے ۔ انہوں نے طلباء سے کہا کہ تعلیم اور علم کے بنیادی فرق کو بھی سمجھیں ۔ تعلیم حاصل کرنے کی حد ہے لیکن علم زندگی حاصل کرتے رہتے ہیں ۔
یواین آئی ۔ ک ج