NationalPosted at: May 27 2020 9:54PM مجبتی حسین کے انتقال سے طنزو مزاح کے باب میں ایک عہد کا خاتمہ ہوگیا۔ ابرار رحمانی
نئی دہلی، 27مئی (یو این آئی) اردو کے مشہور طنزو مزاح نگار پدم شری مجتبی حسین کے انتقال پر زبردست رنج و غم کا اظہار کرتے ہوئے ادبی رسالہ آج کل کے ایڈیٹر ڈاکٹر ابرار رحمانی، مشہور نقاد اور ادیب حقانی القاسمی اور انجمن ترقی اردو ہند نے کہا کہ ان کے انتقال سے طنزو مزاح کے باب میں یک عہد کا خاتمہ ہوگیا ہے۔
ڈاکٹر ابرار حمانی اپنے تعزیتی تاثرات میں کہاکہ مجتبی حسین ادبی منظر نامے میں طنزو مزاح کے میدان میں نمایاں ادیب کی حیثیت رکھتے تھے۔ انہوں ان سے متعدد ملاقاتوں کا ذکر کرتے ہوئے کہاکہ حال ہی وہ دہلی تشریف لائے تھے تو مجھ سے ملنے آج کل کے دفتر تشریف لائے تھے اور جی کھول کر اپنی زندگی کی یادوں کو ہمارے سامنے رکھ دیتے تھے۔ انہوں نے کہاکہ نارنگ ساقی کے ساتھ ملکر ملاقات کرتے رہے اور عزت بخشتے رہے۔
انہوں نے کہاکہ گزشتہ سال جولائی میں ہی رسالہ آج کل نے ا ن پر ایک بھرپور نمبر نکالاتھا اور ایک طرح ہم نے ان کی زندگی میں ان کی ادبی خدمات کو خراج تحسین پیش کیا تھا۔ اب ان کا انتقال ہوگیا ہے لیکن ان کی یادیں اچھے انسان کے کھونے کادکھ دیتی رہیں گی۔
مشہور نقاد اور صاحب طرز نثر نگار حقانی القاسمی نے ان کے انتقال پر گہرے رنج و لم کا اظہار کرتے ہوئے کہاکہ ان کے انتقال سے ایک عہد کا خاتمہ ہوگیا ہے اور وہ اردو طنزو مزاح کے قطب مینار اور تاج محل کی حییثیت رکھتے تھے۔ ان کی شخصیت کی بڑی خوبی یہ تھی کہ چھوٹوں کے ساتھ شفقت اور ہمدردی کا معاملہ رکھتے تھے اور ہمیشہ اچھی تحریروں پر حوصلہ افزائی کرتے تھے۔
انہوں نے ان سے اپنی ملاقاتوں کو یاد کرتے ہوئے کہا کہ جب بھی وہ دہلی آتے تھے وہ فون کرکے ملاقات کے لئے ضروری بلاتے تھے اور اکثر و بیشتر ٹیلی فون پر خبرو خیریت معلوم کرتے تھے۔ انہوں نے کہاکہ میری خوش نصیبی ہے کہ مجھ پر (حقانی القاسمی)ایک عمدہ خاکہ لکھا تھاجو روزنامہ سیاست حیدرآباد میں شائع ہونے کے ساتھ ساتھ ان کی خاکوں کی کتاب میں بھی شامل ہے۔
جاری۔ یو این آئی۔ ع ا۔