image
Friday, Feb 26 2021 | Time 03:00 Hrs(IST)
National

مقدماتی ادب کی باضابطہ تحقیق و تنقید کے حوالے سے خالد مبشر کو اولیت کا درجہ حاصل: پروفیسر خالد محمود

مقدماتی ادب کی باضابطہ تحقیق و تنقید کے حوالے سے خالد مبشر کو اولیت کا درجہ حاصل: پروفیسر خالد محمود

نئی دہلی، 27 جنوری (یو این آئی)مقدماتی ادب کی باضابطہ تحقیق و تنقید کے حوالے سے خالد مبشر کو اولیت کا درجہ حاصل ہے۔ وہ اعلیٰ ادبی مذاق اور گہرا تنقیدی شعور رکھتے ہیں۔ ان خیالات کا اظہار ڈاکٹر خالد مبشر کی کتاب ”مقدماتی ادب“ پر فورم فارم انٹلکچول ڈسکورس اور دی ونگس فاؤنڈیشن کے زیر اہتمام منعقدہ مذاکرے میں صدارتی کلمات پیش کرتے ہوئے پروفیسر خالد محمود نے کیا انہوں نے کہاکہ ڈاکٹر خالد مبشر کا شمار جامعہ کے ان لائق و ذہین فرزندوں میں ہوتا ہے جن پر کوئی بھی تعلیمی ادارہ فخر کرسکتا ہے۔ انہوں نے اس پر کام کرکے تمام طلبہ اور اساتذہ کی اس سمت رہنمائی کی ہے۔
مہمانِ خصوصی پروفیسر کوثر مظہری نے خالد مبشر کو مبارک باد دیتے ہوئے کہا کہ یہ اپنے موضوع پر ایک شاہکار ہے۔ مجھے خوشی ہے کہ جامعہ ملیہ اسلامیہ سے وابستہ طلبا اور اساتذہ ایسی تحقیقی و تنقیدی خدمات انجام دے رہے ہیں۔ مہمانِ اعزازی حقانی القاسمی نے کہا کہ نئی اصطلاحات وضع کرنے کے لیے جرات و جنون کی ضرورت ہوتی ہے۔ ڈاکٹر خالد مبشر نے اردو کو ”مقدماتی ادب“ کے نام سے ایک نئی اصطلاح عطا کی ہے۔ ان کی یہ کتاب تحقیق و تنقید کا بہترین نمونہ ہے۔
ڈاکٹر ابوبکر عباد (ڈی یو)نے اس کتاب کی عمدہ زبان، واضح نظریے اور معیاری تحقیق و تنقید پر مصنف کی تحسین کی۔ عبد المنان (مدیر ماہنامہ یوجنا) نے کہا کہ میرے نزدیک ”مقدماتی ادب“ اکیسویں صدی کی اہم تحقیقی و تنقیدی کتاب ہے۔ ڈاکٹر محمد اجمل (جے این یو) نے مصنف سے اپنے دیرینہ تعلقات کا ذکر کرتے ہوئے کہا کہ خالد مبشر اوائل عمری سے ہی علمی و تحقیقی ذہانت کے مالک رہے ہیں۔ ان کا مطالعہ بہت وسیع ہے۔ وہ کسی بھی علمی مسئلے پر سرسری نظر کے قائل نہیں۔ مشہور شاعرہ فوزیہ رباب نے اپنے تحریری تاثر میں کہا کہ ڈاکٹر خالد مبشر جیسی پختہ اور بامعنی نثر ان کے معاصرین میں بہت شاذ نظر آتی ہے۔ فوزیہ رباب کا تحریری تاثر سفیر صدیقی نے پیش کیا۔ ڈاکٹر نعمان قیصر نے بتایا کہ خالد مبشر نے اس کتاب میں بت گری ہی نہیں بلکہ بت شکنی بھی کی ہے۔ منظر امام نے کہا کہ اس کتاب کے مطالعے سے ڈاکٹر خالد مبشر کے بین العلومی ذہن اور گہرے علمی و تحقیقی شعور و آگہی کا اندازہ ہوتا ہے۔ ڈاکٹر فیضان شاہد نے خالد مبشر کی کتاب ”مقدماتی ادب“ کا تعارف و تجزیہ کرتے ہوئے کہا کہ ایسے اچھوتے موضوع پریہ ایک قابلِ تحسین تصنیف ہے۔ منزہ شاہ نے اس کتاب پر مفصل مقالہ پیش کیا۔
اس موقع پر مولانا اسحاق عادل، احسان قاسمی، عابد انور، ڈاکٹر محمد مقیم، رفعت غننی، ڈاکٹر محمد عارف، اشرف یٰسین، خبیب حسن، نایاب حسن، ابو الاشبال، مہتاب علیمی، ذاکر انور، عائشہ صدیقہ، نرگس خاتون، دانش خورشید، افسار بھٹ اور شعیب اختر کے علاوہ دیگر اہلِ علم موجود تھے۔پروگرام کا آغاز جمیل سرور کی تلاوت اور اختتام دی ونگس فاؤنڈیشن کے بانی ڈائریکٹر ڈاکٹر انوار الحق کے اظہارِ تشکر پر ہوا۔
یو این آئی۔ ع ا۔

خاص خبریں
پڈوچیری میں ساتویں بار صدر راج

پڈوچیری میں ساتویں بار صدر راج

پڈوچیری، 25 فروری (یو این آئی) مرکزکے زیر انتظام ریاست پڈوچیری میں 30 برسوں کے وقفے کے بعد ساتویں بار جمعرات کو صدر راج نافذ کردیا گیا۔

...مزید دیکھیں
پڈو چیری  کی ترقی کے لئے ہر ممکن  امداد فراہم کریں گے :  مودی

پڈو چیری کی ترقی کے لئے ہر ممکن امداد فراہم کریں گے : مودی

پڈوچیری ، 25 فروری ( یواین آئی ) وزیر اعظم نریندر مودی نے جمعرات کے روز کہا کہ ان کی حکومت پڈوچیری کی ترقی کے لئے ہر ممکن مدد فراہم کرے گی۔

...مزید دیکھیں
مفرور نیرو مودی کو   ہندوستان  کے حوالے کرنے کا حکم

مفرور نیرو مودی کو ہندوستان کے حوالے کرنے کا حکم

لندن ، 25 فروری (یواین آئی ) برطانیہ کی ایک عدالت نے جمعرات کے روز پنجاب نیشنل بینک (پی این بی) گھپلے میں ملوث ملزم نیرو مودی کو ہندوستان کے حوالے کرنے کا حکم دیا۔

...مزید دیکھیں
ہندوستان اور پاکستان کنٹرول لائن پر جنگ بندی پر پوری طرح عمل کریں گے

ہندوستان اور پاکستان کنٹرول لائن پر جنگ بندی پر پوری طرح عمل کریں گے

نئی دہلی، 25 فروری (یو این آئی) ہندوستان اور پاکستان نے کنٹرول لائن کے ساتھ ساتھ اس سے متصل سبھی سیکٹروں میں بدھ کی رات سے جنگ بندی اور دیگر سمجھوتوں پر عمل کرنے پر اتفاق ظاہر کیا ہے۔

...مزید دیکھیں
دہلی میں کورونا کے فعال معاملات 1160 کو عبور کرگئے

دہلی میں کورونا کے فعال معاملات 1160 کو عبور کرگئے

نئی دہلی، 25 فروری (یو این آئی) قومی دارالحکومت دہلی میں گذشتہ 24 گھنٹوں کے دوران نئے کیسوں کے مقابلے صحتمند مریضوں کی تعداد میں کمی کی وجہ سے فعال کیس 1،160 کو عبور کرچکے ہیں۔

...مزید دیکھیں
آسام کو آئندہ پانچ برسوں میں سیلاب-در اندازی سے پاک بنائیں گے: شاہ

آسام کو آئندہ پانچ برسوں میں سیلاب-در اندازی سے پاک بنائیں گے: شاہ

گوہاٹی، 25 فروری (یو این آئی) مرکزی وزیر داخلہ امت شاہ نے کہا ہے کہ ریاست کو اگلے پانچ برسوں میں سیلاب اور دراندازی سے مکمل پاک بنائیں گے جو ریاست کے سامنے دو سب سے بڑے چیلنجز ہیں۔

...مزید دیکھیں
حکومت نیرو مودی کو جلد ہندوستان لانے کے لئے  برطانیہ سے بات کرے گی

حکومت نیرو مودی کو جلد ہندوستان لانے کے لئے برطانیہ سے بات کرے گی

نئی دہلی، 25 فروری (یو این آئی) برطانیہ کی عدالت کی جانب سے پنجاب نیشنل بینک سے ہزاروں کروڑوں روپے کے غبن کے مفرور مجرم نیرو مودی کی حوالگی کی سفارش کے بعد ، حکومت انھیں ہندوستان لانے کے لئے برطانوی حکومت سے بات کرے گی۔

...مزید دیکھیں
مفرور نیرو مودی کو   ہندوستان  کے حوالے کرنے کا حکم

مفرور نیرو مودی کو ہندوستان کے حوالے کرنے کا حکم

25 Feb 2021 | 7:04 PM

لندن ، 25 فروری (یواین آئی ) برطانیہ کی ایک عدالت نے جمعرات کے روز پنجاب نیشنل بینک (پی این بی) گھپلے میں ملوث ملزم نیرو مودی کو ہندوستان کے حوالے کرنے کا حکم دیا۔ ان پر پی این بی کے 2 ارب امریکی ڈالر کے گھپلہ کا الزام ہے۔ یہ گھپلہ فروری 2018 میں سامنے آیا تھا اور اس کے بعد وہ برطانیہ فرار ہوگیا تھا ، جہاں اس نے سیاسی پناہ کے حصول کے لئے عرضی دی تھی۔

پاکستان کے ساتھ معمول کے تعلقات میں دلچسپی لیکن موضوع  پر رویے میں کوئی تبدیلی نہیں: ہندوستان

پاکستان کے ساتھ معمول کے تعلقات میں دلچسپی لیکن موضوع پر رویے میں کوئی تبدیلی نہیں: ہندوستان

26 Feb 2021 | 12:02 AM

نئی دہلی، 25 فروری (یو این آئی) ہندوستان نے پاکستان کے جموں وکشمیر میں لائن آف کنٹرول (ایل او سی) پر جنگ بندی اور دیگر تمام معاہدوں کی مکمل پاسداری کا خیرمقدم کرتے ہوئے آج کہا ہے کہ وہ ہمیشہ سے ہر موضوع کو پرامن طور پر دوطرفہ بات چیت سے حل کرنے کا پابند عہد ہے۔ لیکن معاملات پر ان کے موقف میں کوئی تبدیلی نہیں ہے۔

image