نئی دہلی، 14 جنوری (یو این آئی) قومی دارالحکومت دہلی میں پولیس نے اپنے طور پر تفتیش اور چوکسی سے تقریبا 90 فیصد قتل کے معاملات کو حل کرنے کا دعویٰ کیا ہے۔
دہلی پولیس نے اپنی سالانہ رپورٹ میں بتایا ہے کہ پولیس نے گزشتہ سال قتل کے 88.53 فیصد معاملات کو سلجھا لیا ہے جبکہ 2016 میں 79.04 فیصد قتل کے معاملے سلجھائے گئے تھے۔ 2016 کے مقابلے گزشتہ سال دس فیصد سے زیادہ قتل کے معاملات کو حل کرنے میں پولیس کو کامیابی ملی ہے۔
رپورٹ میں بتایا گیا کہ 2016 کے مقابلے میں 2017 میں قتل کے واقعات میں کمی درج کی گئی ہے۔ گزشتہ سال قتل کے 462 معاملے سامنے آئے جبکہ 2016 میں 501 معاملے سامنے آئے تھے۔ اس میں بتایا گیا ہے کہ 45 فیصد سے زیادہ ہلاکتیں آپسی رنجش کی وجہ سے ہوئے ہیں۔
گزشتہ سال آغاز جنوری میں ہی جمناپار کے مدھو وہار علاقے کے اجنتا اپارٹمنٹ میں 35 سالہ ایک نوجوان نے دھاردار ہتھیار سے حملہ کرکے 64 سالہ اپنےبزرگ والد کا قتل کردیا۔ موقع پر پہنچے پولیس اہلکاروں پر بھی اس نے حملہ کر دیا تھا. اس نے پولیس سے گھرا دیکھ کر خود کو آگ کے حوالے کر دیا اور پولیس اہلکاروں کی جانب ایل پی جی سلنڈر پھینک دیا جس سے دھماکے ہونے سے کئی پولیس اہلکار زخمی ہو گئے تھے۔
دہلی میں فی لاکھ آبادی پر جرائم کا گراف کافی بڑھا ہے۔ سال 2016 میں فی لاکھ لوگوں کے خلاف جہاں تقریبا 1137 لوگوں پر جرائم کے معاملے درج ہوئے تھے وہیں 2017 میں یہ فی لاکھ پر تقریبا 1263 ہو گیا ہے۔
یو این آئی،اظ 1317