نئی دہلی، 2 اکتوبر (یو این آئی) وزیر اعظم نریندر مودی نے پیر کو بابائے قوم مہاتما گاندھی اور سابق وزیر اعظم لال بہادر شاستری کو ان کی سالگرہ پر انہیں یاد کیا اور خراج عقیدت پیش کیا۔
مسٹر مودی آج صبح پہلے راج گھاٹ پہنچے اورانہوں نے باپو کو ان کی 154ویں سالگرہ انہیں پر یاد کرتے ہوئے انہیں گلہائے عقیدت پیش کیا۔ وزیر اعظم کے ساتھ اس دوران مرکزی وزیر ہردیپ سنگھ پوری بھی موجود تھے۔
بابائے قوم مہاتما گاندھی کے ساتھ ہی آج ملک کے سابق وزیر اعظم لال بہادر شاستری کی بھی سالگرہ ہے۔ مسٹر مودی نے بھی وجے گھاٹ پہنچ کر شاستری جی کوبھی خراج عقیدت پیش کیا۔ اس دوران ان کے ساتھ دہلی کے لیفٹیننٹ گورنر ونے سکسینہ اور عام آدمی پارٹی کی لیڈر آتشی بھی ان کے ساتھ موجود تھیں۔
وزیر اعظم مودی نے ایکس (سابق ٹوئیٹر) پر کہاکہ”گاندھی جینتی کے خاص موقع پر وہ مہاتما گاندھی کو سلام کرتے ہیں۔ مہاتما گاندھی کا اثر عالمی ہے، جو تمام انسان کو اتحاد اور ہمدردی کے جذبے کو آگے بڑھانے کی ترغیب دیتا ہے۔ وزیراعظم نے کہا کہ ہمیں ہمیشہ ان کے خوابوں کی تکمیل کے لیے کام کرتے رہنا چاہیے۔ گاندھی جی کے خیالات ہر نوجوان کو اس تبدیلی کے ایجنٹ بننے کے قابل بنائیں جس کا انہوں نے خواب دیکھا تھا،جس سے ہر جگہ اتحاد اور ہم آہنگی کو فروغ دیا جائے گا۔“
سابق وزیر اعظم شاستری کو ان کی سالگرہ پر یاد کرتے ہوئے مسٹر مودی نے کہا کہ ان کی سادگی اور قوم کے تئیں لگن اور ’جے جوان، جے کسان‘کی مشہور کال آج بھی نسلوں کو متاثر کرتی ہے۔ ہندوستان کی ترقی کے تئیں ان کااٹوٹ عزم اور مشکل وقت میں ان کی قیادت مثالی ہے۔ ہم ہمیشہ مضبوط ہندوستان کے ان کے ویژن کو پورا کرنے کے لیے کام کرتے رہیں گے۔
وزیر اعظم کے علاوہ لوک سبھا اسپیکر اوم برلا اور نائب صدر جگدیپ دھنکھڑ بھی راج گھاٹ اور وجے گھاٹ پہنچے اور بابائے قوم اور سابق وزیر اعظم شاستری کو خراج عقیدت پیش کیا۔ اس کے علاوہ کانگریس صدر ملکارجن کھڑگے سمیت تمام سیاستدانوں نے راج گھاٹ اور وجے گھاٹ پہنچ کر بابائے قوم گاندھی اور سابق وزیر اعظم شاستری کو یاد کیا۔
لوک سبھا اسپیکر برلا نے راج گھاٹ پر بابائے قوم کو ان کی سالگرہ پر خراج عقیدت پیش کیا۔ انہوں نے کہا،”بابائے قوم مہاتما گاندھی کو ان کی سالگرہ پر انہیں سلام۔ سچائی، عدم تشدد، محبت اور امن پر مبنی ان کے نظریات نے جدوجہد آزادی کو نئی طاقت دی۔ ان کے ہمہ گیر نظریات جن کا مقصدہر انسان کی فلاح و بہبود تھا۔“
اس کے بعدمسٹر برلا وجے گھاٹ پہنچ کر سابق وزیر اعظم شاستری کو گلہائے عقیدت پیش کیا۔ انہوں نے کہا،”قابل احترام شاستری جی نے قوم کی اعلیٰ روح کا اعلان کیا۔ وہ ماں بھارتی کے سچے سپوت تھے۔ ان کے مضبوط ارادے ملک کو نئی بلندیوں پر پہنچایا۔ یہ قوم ہمیشہ ان کی احسان مند رہے گی۔“
مسٹر کھڑگے نے ایکس پر لکھا، ”مہاتما گاندھی جی صرف ایک شخص نہیں، وہ ایک نظریہ اور ہماری عظیم قوم کی اخلاقی علامت ہیں۔ سچائی، عدم تشدد، آزادی، مساوات اور بقائے باہمی کے ان کے نظریات ابدی اقدار ہیں۔ ہم باپو کی سالگرہ پر ان کے نظریات کو خراج عقیدت پیش کرتے ہیں۔“
یو این آئی۔ خ س۔