نئی دہلی، 04 فروری (یو این آئی) سید مودی گراں پری بین الاقوامی ٹورنامنٹ میں حصہ نہیں لینے کے باوجود ہندستان کی اسٹار بیڈمنٹن کھلاڑی سائنا نہوال جمعرات کو جاری عالمی بیڈمنٹن رینکنگ میں اپنے دوسرے مقام پر برقرار ہیں لیکن پی وی سندھو ایک جگہ گر کر 13 ویں پوزیشن پر کھسک گئی ہیں۔
عالمی درجہ بندی میں خواتین کے سنگلز کلاس میں ملک کی ٹاپ کھلاڑی سائنا 76522 ریٹنگ پوائنٹس کے ساتھ اپنے دوسرے مقام پر برقرار ہیں جبکہ اسپین کی کیرولن مارین اپنے سرفہرست مقام پر برقرار ہیں۔
تاہم سید مودی میں ہندستان کی نمائندگی کرنے والی سندھو کو ایک جگہ کا نقصان ہوا ہے اور وہ ایک جگہ گر کر 13 ویں مقام پر پہنچ گئی ہیں۔