ممبئی، 28 فروری(یو این آئی) بالی وڈ فلمساز کرن جوہر اداکارہ سری دیوی کو لے کر فلم بناناچاہتے تھے۔

سری دیوی کی موت سے پوری فلم انڈسٹری اور ان کے پرستاروں کو زبردست جھٹکا لگا ہے۔
ان کے انتقال سے کرن جوہر بھی بہت غمزدہ ہیں۔
کرن اپنی فلم ’شدت‘ میں سنجے دت، عالیہ بھٹ اور ورون دھون کے ساتھ سری دیوی کو بھی کاسٹ کرناچاہتے تھے۔

تقریبا 25 برس قبل سری دیوی نے سنجے دت کےاپوزٹ دھرما پروڈکشن کی فلم’گمراہ‘ میں کام کیا تھا۔
بتایا جاتا ہے کہ کرن نے سری دیوی کے ساتھ ’شدت‘ میں کام کرنے کی بات کہی تھی اور انہوں نے اس کے لئے حامی بھی بھرلی تھی۔
کرن نے ایسی فلم کو ہدایت کرنے کی خواہش ظاہر کی تھی جس میں سری دیوی اہم کردار میں ہوں۔
حال ہی میں انہوں نے کہا تھا کہ ’’میں سری دیوی کے ساتھ فلم کرنا چاہتا ہوں مجھے لگتا ہے کہ سلور اسکرین پر جو جادو ان کا ہے اسے دوسرا کوئی نہیں دہرا سکتا۔

سری دیوی کے ساتھ کرن جوہر فلم نہیں بناسکے لیکن ان کی بیٹی جھانوی کپور کو اپنی آ’ئندہ فلم ’دھڑک‘ سے لانچ کررہے ہیں۔
ایسا کہا جاتا ہے کہ سری دیوی نے کرن کو ہی اپنی بیٹی کو ڈیبو کرنے کی ذمہ داری دی تھی۔

یو این آئی۔
شا پہ۔
1255