ممبئی، 22 مارچ (یو این آئی) بالی ووڈ اسٹار اجے دیوگن کا کہنا ہے کہ فلم کی شونٹنگ کے پہلے روز ہی انہیں پتہ چل جاتا ہے کہ آیا یہ فلم ہٹ ہوگی یا فلاپ۔

اجے دیوگن کی فلم ‘ریڈ’ ابھی حال ہی میں ریلیز ہوئی ہے جسے ناظرین بے حد پسند کررہے ہیں۔

اجے نے کہا کہ جب میں پہلے دن اپنی فلم کے سیٹ پر جاتا ہوں تو یہ بات اچھی طرح سمجھ جاتا ہوں کہ اس فلم کا مستقبل کیا ہوگا۔
انہوں نے مزید کہا کہ میرے ساتھ عام طو ر پر ایسا ہوتا ہے۔
کئی مرتبہ تو ایسا بھی ہوا کہ فلم کی شوٹنگ کے ایک دو روز بعد میں اپنے آفس فون کرکے کہتا ہوں کہ یہ فلم سائن کرکے میں نے بہت غلطی کی ۔

انہوں نے کہا کہ میں اپنی تما م فلمو ں کا نام تو نہیں لوں گا لیکن جو میری فلمیں نہیں چل پائیں ان سبھی کی شوٹنگ کے دوران مجھے سمجھ میں آگیا تھا کہ اس فلم پردہ سیمیں کی زیادہ دنوں تک رونق نہیں بن سکتی ۔
اجے نے مزید کہا کہ آپ فلم درمیان میں نہیں چھوڑ سکتے اسی لئے کام بھی پورا کرنا پڑتا ہے۔

یو این آئی ایم جے۔