EntertainmentPosted at: Jul 9 2020 1:07PM

جگدیپ کو پہلی فلم کے لئے ملے تھے محض چھ روپے

ممبئی 9 جولائی (یو این آئی) ہندی فلموں میں اپنی مزاحیہ اداکاری سے پانچ دہائیوں سے زائد عرصے تک شائقین کو محظوظ کرنے والے جگدیپ کو پہلی فلم کے لئے چھ روپے ملےتھے۔

مدھیہ پردیش کے داتیا میں پیدا ہوئے جگدیپ عرف سید اشتیاق احمد جعفری نے اپنے بچپن کے دنوں میں غربت کو بہت قریب سے دیکھا تھا۔
ان عمر محض سات آٹھ برس کی تھی جب ان کے والد کا انتقال ہوگیا۔
ہند ۔
پاک تقسیم کے بعد جگدیپ اپنی والدہ کے ساتھ گوالیار سے ممبئی آگئے۔

کہا جاتا ہے کہ جگدیپ کی والدہ یتیم خانے میں کھانا پکانے کا کام کرتی تھیں تاکہ وہ اپنے بچے کو پڑھا لکھا سکے اور اس کی پرورش کرسکیں۔
ایک دن جگدیپ نے فیصلہ کیا کہ انہیں کنبہ کی مدد کے لئے کچھ کام کرنا چاہئے۔
حالانکہ ان کی والدہ نے جگدیپ کو کام کرنے سے منع کیا لیکن وہ راضی نہیں ہوئے۔
جگدیپ نے اپنی تعلیم چھوڑ دی اور پتنگ بنانے لگے، اس کے علاوہ انہوں نے صابن اور کنگھی بیچنے کا کام بھی کیا۔

جگدیپ جس سڑک پر کام کیا کرتے تھے وہاں ایک شخص آیا اور وہ ان بچوں کو تلاش کررہا تھا جو فلم میں کام کرسکیں۔
اس شخص نے جگدیپ سے فلموں میں کام کے بارے میں پوچھا کہ کیا تم کام کرو گے؟ جگدیپ نے اس شخص سے پوچھا کہ یہ فلمیں کیا ہوتی ہیں؟ جگدیپ نے اس وقت تک فلمیں نہیں دیکھی تھیں۔
جگدیپ نے اس شخص سے پیسوں کی بات کی کہ انہیں اس کام کے لئے کتنے پیسے ملیں گے جس کا جواب آیا تین روپے۔

جگدیپ کو ایسا محسوس ہوا جیسے ان کی لاٹری لگ گئی ہو۔
جگدیپ فورا. ہی فلموں میں کام کرنے پر رضامند ہوگئے ۔
اگلے دن جگدیپ کی والدہ انہیں اسٹوڈیو لے گئیں ، جہاں بچوں کا منظر چل رہا تھا حالانکہ اس وقت جگدیپ کو صرف خاموش بیٹھنے والا کردار ہی ملا، تھا لیکن تبھی اردو میں ایک ڈائیلاگ آیا جسے کوئی بچہ نہیں بول پارہا تھا۔
جگدیپ نے ایک بچے سے پوچھا کہ اگر میں نے یہ مکالمہ بول دیا تو کیا ہوگا ، جواب آیا ،پیسے زیادہ ملیں گے چھ روپے۔
جگدیپ نے یہ مکالمہ بہت خوبصورتی سے بول دیا اور یہیں سے ان کا چائلڈ آرٹسٹ کا سفر شروع ہوگیا۔
یہ فلم 1951 میں آئی بی آر چوپڑا کی ’افسانہ‘ تھی۔
اس کے بعد جگدیپ نے کامیابی کی بلندیوں کو چھوا اور ایک سے بڑھ کر ایک فلموں میں اپنی عمدہ مزاح نگاری سے سامعین کے دل جیت لئے۔

یو این آئی۔
شا پ۔
1306

Entertainment

شاہ رخ خان فلم ’ کنگ‘ میں ڈان کا کردار ادا کریں گے

سنجے بھوشن پٹیالہ منداکنی کے ہاتھوں آئی سی سی اے 2024 ایوارڈ سے سرفراز

قدیم کشمیر سے لے کرجدید کشمیر تک کا سفرفلم’ انیگما آف پیراڈائز‘

کیارا ایڈوانی سلمان خان کی فلم سکندر میں کام کریں گی

انل کپور فلم دے دے پیار دے- 2 میں نظرآئیں گے

سنجے بھوشن پٹیالہ منداکنی کے ہاتھوں آئی سی سی اے 2024 ایوارڈ سے سرفراز

23 Apr 2024 | 5:13 PM

ممبئی، 23اپریل (یو این آئی)ہندوستانی فلم اور تفریحی دنیا میں سنجے بھوشن پٹیالہ کو آج ایک اور اعزاز سے نوازا گیا۔ آئی سی سی اے (انٹرنیشنل کنٹینٹ کریٹر ایوارڈ) کی تقریب آج ہوٹل سہارا، ممبئی میں منعقد ہوئی اس تقریب میں ہندوستان اور بیرون ملک سے کئی بڑی شخصیات نے شرکت کی اسی تقریب میں تفریحی میدان میں مختلف پہلوو¿ں سے اپنی صلاحیتوں سے لوگوں میں ایک خاص مقام بنانے والے ہنرمندوں کو خراج تحسین پیش کرنے کا پروگرام جاری تھا۔ اس میں فلم پروموٹر کم سلیبرٹی منیجر سنجے بھوشن پٹیالہ کو بین الاقوامی سطح کی ہندوستانی اداکارہ منداکنی کے ہاتھوں انٹرنیشنل کنٹینٹ کریٹر ایوارڈ 2024 دیا گیا۔ منداکنی اپنے وقت کی سب سے مقبول اور خوبصورت اداکاراو¿ں میں سے ایک تھیں اور اس وقت کوئی اور اداکارہ ان کا مقابلہ نہیں کر سکتی تھی۔