SportsPosted at: Mar 2 2016 6:00PM انڈیا گیٹ سے گیٹ وے آف انڈیا تک’’ گریٹ انڈیا رن‘‘
نئی دہلی، 02 مارچ (یواین آئی) دارالحکومت کے تاریخی انڈیا گیٹ سے ممبئی کے تاریخی گیٹ وے آف انڈیا تک’’دی گریٹ انڈیا رن ‘‘کا انعقاد تین سے 20 جولائی تک ہوگا جس میں ملک اور بیرون ملک کے 12 کراس کنٹری رنر حصہ لیں گے۔
آئرن مین کے نام سے مشہور ملند سومن، اداکارہ گل پناگ اور اس پروگرام کے منتظم پرو اسپورٹیفائی کے ڈائریکٹر وشال گرناني نے بدھ کو یہاں ایک پریس کانفرنس میں’’ دی گریٹ انڈیا رن‘‘ کی اطلاع دیتے ہوئے بتایا کہ یہ دوڑ تین جولائی کو انڈیا گیٹ سے شروع ہوگی اور 20 جولائی کو گیٹ وے آف انڈیا پر ختم ہوگی۔
18 دن کی اس دوڑ میں رنر چھ ریاستوں میں 25 شہروں سے گزرتے ہوئے 1480 کلومیٹر کا سفر طے کریں گے۔