SportsPosted at: Mar 13 2016 6:29PM پاکستان ہاکی کو ایک اور دھچکا
لاہور، 13 مارچ (یو این آئی)زبوں حالی سے دوچار پاکستان ہاکی کو ایک اور دھچکا لگا ہے اور پاکستان ہاکی فیڈریشن نے جون میں انگلینڈ میں ہونے والی چمپئنز ٹرافی میں حصہ نہ لینے کا فیصلہ کیا ہے۔
یہ قدم مستقل مسائل اور بدترین کارکردگی سے دوچار پاکستانی ہاکی کیلئے ایک اور بڑا دھچکا ہے جو تاریخ میں پہلی مرتبہ ورلڈ کپ اور پھر رواں سال ہونے والے اولمپک مقابلوں کیلئے بھی کوالیفائی کرنے میں ناکام رہا۔
پاکدتان ہاکی فیڈریشن (پی ایچ ایف )کے سیکریٹری شہباز سینئر نے کہا کہ بہتر یہی ہو گا کہ ٹیم چمپئنز ٹرافی میں حصہ نہ لے کیونکہ فیڈریشن اس وقت ورلڈ کپ 2016 کیلئے مضبوط ٹیم تیار کرنے کے منصوبے بنا رہی ہے۔