ممبئی، 11 دسمبر (یو این آئی)بالی ووڈ کنگ خان شاہ رخ خان ملک میں کمائی کے لحاظ سے فہرست میں اول نمبر پر آگئے ہیں۔
فوربس نے اپنی سالانہ ’’انڈیا سیلبریٹی لسٹ۔
2015‘‘ میں کہا ہے کہ شاہ رخ خان کو رواں سال 5ء257 کروڑ روپے کی کمائی ہونے کا اندازہ ہے۔
گزشتہ برس شاہ رخ اپنے دوست سلمان خان سے پیچھے ہوگئے تھے اور فہرست میں تیسرے پائیدان پر آگئے تھے۔
تازہ فہرست کے مطابق سلمان کی کمائی 75ء202 کروڑ روپے ہے۔
جو شاہ رخ خان کی کمائی سے 50 کروڑ روپے کم ہے۔
بالی ووڈ کے مشہور ومعروف اداکار امیتابھ بچن تیسرے پائیدان پر ہیں جبکہ گزشتہ برس وہ دوسرے پائیدان پر تھے۔
فوربس کے مطابق 100 مشہور شخصیات کی کل کمائی 819ء2 کروڑ روپے ہے جبکہ سینما اور کرکٹ کا پہلے 10 مقام پر قبضہ ہے۔
فہرست میں مہندر سنگھ دھونی چوتھے مقام پر ہیں۔
ان کے بعد عامر خان، اکشے کمار، وراٹ کوہلی، سچن تندولکر، دیپکا پاڈوکون اور رتک روشن فہرست میں شامل ہیں۔
میگزین کے مطابق کمائی کے اندازے کے علاوہ 100 شخصیات کی شہرت پر بھی غور کیا گیا ہے۔
ان شخصیات کی ٹیکس کے بغیر کمائی اور ان کی شہرت کے نمبروں کو جوڑ کر یہ فہرست تیار کی گئی ہے۔
یو این آئی۔
اے ایم۔
ظ ا۔
1700