InternationalPosted at: Dec 16 2018 8:23PM ہندستانی شہری سربجیت کے قتل کے ملزمان کو عدالت نے بری کیا
اسلام آباد،16دسمبر (یواین آئی)پاکستان کی جیل میں بند ہندستانی شہری سربجیت کے قتل کے دواصل ملزمان کو ایک عدالت نےبری کردیاہے ۔ان دونوں نے سربجیت کو اینٹوں اور لوہے کی چھڑ سے ماراتھا اور پانچ دن بعد اسکی موت ہوگئی تھی ۔
اخبار ڈان کے مطابق ایڈیشنل ضلع اور سیشن جج معین کھوکرنے دونوں ملزمان عامر اور مدثر منیر کی رہائی کے احکامات جاری کیے کیونکہ گواہ اپنے بیانات سے پلٹ گئے تھے ۔
لاہور سے موصولہ رپورٹ کے مطابق عام اور مدثر بھی لاہور کی کوٹ لکھپت جیل میں سربجیت کے ساتھ تھے اور 2013میں دونوں نے سربجیت پر اینٹوں اور لوہے کی چھڑوں سے حملہ کرکے اسے بری طرح زخمی کردیاتھا۔
اس حملہ میں بری طرح سے زخمی سربجیت کو سرمیں گہری چوٹ لگی تھی اور اسے لاہور کے جناح اسپتال کے آئی سی یو میں رکھاگیاتھا جہاں مئی 2013میں پانچ دن بعد اسکی موت ہوگئی تھی ۔سربجیت پر جاسوسی اور بم دھماکہ کرانے کاالزام تھا اور اسی معاملہ میں اس کے وکیلوں نے کئی عرضیاں دائر کی تھیں لیکن ان میں سے ایک پر بھی سماعت میں کوئی خاص نتیجہ سامنے نہیں آیا۔
جاری ۔یواین آئی۔ایف اے