InternationalPosted at: Jan 15 2019 11:14AM وینزویلا میں گوائدو کو حراست لئے جانے پر گٹیریس کا اظہار تشویش
اقوام متحدہ، 15 جنوری (اسپوتنك) اقوام متحدہ کے سیکرٹری جنرل انٹونیو گٹیریس نے وینزویلا میں قومی اسمبلی کے صدر جوآن گوائدو کو حراست میں لئے جانے کے معاملے پر تشویش کا اظہار کیا اور ملک کے سبھی متعلقہ افراد سے کشیدگی کم کرنے کی اپیل کیا۔
اقوام متحدہ کے ترجمان اسٹیفن دجارك نے ایک پریس بریفنگ میں یہ اطلاع دی۔
مسٹر دجارك نے پیر کے رو ز کہا کہ ’’ ہم سبھی لیڈروں سے ایسی بیان بازی یا کاموں سے احتراز کرنے کی درخواست کرتے ہیں جس سے کشیدگی میں مزید اضافہ ہوتا ہو۔ ہم اپنی یقین دہانی دہراتے ہیں کہ صورتحال ٹھیک هونے کا راستہ وینزویلا کے لوگوں اور قومی اسمبلی سمیت سرکاری اداروں پر منحصر ہے۔ پرامن مذاکرات کے ذریعہ نکالے گئے حل جمہوری حکومت کو مضبوط کرتے ہیں اور انسانی حقوق نیز وینزویلا میں قانون کی حکمرانی کو مضبوطی فراہم کرتے ہیں۔ سیکرٹری جنرل اس کا باریکی سے جائزہ لے رہے ہیں۔ وینزویلا میں جو ہم دیکھ رہے ہیں اس کے بارے میں وہ فکر مند ہیں۔
وینزویلا کے قومی اسمبلی کے صدر جوآن گوائدو کو اتوار کے روز دارالحکومت كاراكاس میں حراست میں لے لیا گیا تھا۔ مسٹر گوائدو کے ٹویٹر پیج پر دعوی کیا گیا تھا کہ ان کو ایک سیاسی جلسہ کے بعد خفیہ ایجنسی کے حکام نے حراست میں لے لیا۔ انہیں بعد میں حراست سے آزاد کر دیا گیا تھا۔ مسٹر گوائدو کو اس بیان کے بعدکہ وہ ملک کے عبوری صدر کے طور پر عہدہ سنبھالنے کے لئے تیار ہیں، حراست میں لیا گیا تھا۔
اسپوتنک۔ این یو۔