InternationalPosted at: Nov 14 2019 10:20AM وزیر اعظم مودی کی پوٹن،جن پنگ اور بولسونارو سے دوطرفہ ملاقات
برازيليا، 14 نومبر (یواین آئی) وزیر اعظم نریندر مودی نے 11 ویں برکس سمٹ سے پہلے یہاں روس کے صدر ولادیمیر پوٹن، چین کے صدر شی جن پنگ اور برازیل کے صدر جائر میسس بولسونارو سے الگ الگ دو طرفہ بات چیت کی۔
وزارت خارجہ کے مطابق مسٹر مودی کی پہلی ملاقات مسٹر پوٹن سے ہوئی جس میں دونوں رہنماؤں نے وزیر اعظم کے ولاديووستك دورہ کے بعد ہندوستان روس تعلقات میں پیش رفت کا جائزہ لیا۔ دونوں نے اس بات پر اطمینان کا اظہار کیا کہ 2025 تک باہمی تجارت 25 ارب ڈالر تک پہنچانے کا ہدف پہلے ہی حاصل ہو چکا ہے۔ انہوں نے طے کیا کہ اگلے سال پہلے دو علاقائی فورم کا انعقاد کیا جائے گا جس میں علاقے کی شراکت اور باہمی پارٹنرشپ ہوگی۔ دونوں رہنماؤں نے پٹرولیم اور قدرتی گیس، سول نیوکلیئر توانائی، ریلوے اور دفاع کے شعبہ میں تعاون میں اضافہ پر بھی اطمینان کا اظہار کیا۔ مسٹر پوٹن نے وزیر اعظم کو اگلے سال روس کے یوم فتح کے موقع پر ماسكو آنے کے لئے مدعو کیا۔
جاری،یواین آئی،اظ