InternationalPosted at: Jan 21 2020 11:06AM ایم -1میزائل کا شکار ہوا تھا یوکرین کا مسافر بردار طیارہ: ایران
تہران، 21 جنوری (اسپوتنك) ایران کے شہری ہوا بازی کے شعبہ نے دوسری ابتدائی رپورٹ میں انکشاف کیا ہے کہ تہران ہوائی اڈہ سے پرواز کے چند منٹ بعد گر کر تباہ ہونے والے یوکرین ایئر لائنز کا طیارہ انسانی انسانی غلطی کی وجہ سے ٹام ایم -1 میزائل کا شکار ہوا تھا۔ اس حادثہ میں 176 افراد ہلاک ہو گئے تھے۔
رپورٹ کے مطابق زمین سے ہوا میں مار کرنے والے دو ٹام ایم- 1 میزائل سے بوئنگ 737-800 طیارہ کو نشانہ بنایا گیا تھا۔ تہران کے امام خمینی بین الاقوامی ہوائی اڈے سے 8 جنوری کو مقامی وقت 0612 بجے پر پرواز کے بعد طیارہ کا 8،100 فٹ کی بلندی پر ٹریفک کنٹرول کے ساتھ رابطہ ختم ہو گیا تھا جس کے بعد وہ ایک عوامی پارک کے پاس گر کر تباہ ہوگیا۔
قابل ذکر ہے کہ ایران اور امریکہ کے درمیان بڑھتی ہوئی کشیدگی کی وجہ سے ایران نے غلطی سے یوکرین ایئر لائنز کے طیارہ کو نشانہ بنا دیا تھا جس میں یوکرین، افغانستان، کینیڈا، جرمنی، ایران، سویڈن اور برطانیہ کے شہری سوار تھے۔اس حادثے میں موجود تمام لوگوں کی موت ہو گئی تھی۔
اسپوتنک،اظ