سیول 18 مئی (یو این آئی/ژنہوا) جنوبی کوریا میں گزشتہ 24 گھنٹوں کے دوران کورونا وائرس کے 31,352 نئے معاملے درج ہوئے، جس سے بدھ کو متاثرہ افراد کی تعداد بڑھ کر 1,78,61,744 ہو گئی۔
کوریا ڈیزیز کنٹرول اینڈ پریوینشن ایجنسی (کے ڈی سی اے) کے مطابق روزانہ معاملوں میں مسلسل کمی واقع ہوئی ہے۔
گزشتہ روز کورونا کے 35 ہزار 117 کیسز سامنے آئے اور ایک ہفتہ قبل یہ تعداد 43 ہزار 910 تھی۔صحت کے حکام کا خیال ہے کہ روزانہ کیس لوڈ میں کمی اومیکرون ورژن کے نیچے آنے کے بعد آئی، جو مارچ کے وسط میں عروج پر تھی۔نئے معاملوں میں سے 35 متاثرہ افراد بیرون ملک سے آئے ہیں، جن کی کل تعداد 32,399 ہوگئی ہے۔
تشویشناک حالت میں رہنے والے متاثرہ افراد کی تعداد میں گزشتہ روز سے 20 کی کمی آئی ہے جو کہ اب 313 ہے۔اس کے علاوہ مزید 31 اموات کی تصدیق ہوئی جس کے بعد ہلاکتوں کی تعداد 23,802 ہوگئی۔
اموات کی مجموعی شرح 0.13 فیصد ہے۔کووڈ-19 ویکسین کی دونوں خوراکیں لینے والے افراد کی تعداد 44,564,644 ہے جو کہ کل آبادی کا 86.8 فیصد ہے، جبکہ بوسٹر ڈوز کی تعداد 33,238,773 ہے جو کہ کل آبادی کا 64.8 فیصد ہے۔
یواین آئی۔اےایم۔