کراچی، 25 مارچ (یو این آئی) پاکستان کرکٹ ٹیم کے سابق ٹیسٹ کپتان اور فاسٹ بولر وسیم اکرم اپنے ملک کے کرکٹ کی مدد کرنے کو تیار ہیں، لیکن ان کا خیال ہے کہ قومی کرکٹ بورڈ کے کچھ رکن کرکٹ کا بھلا نہیں چاہتے اور ان کی بورڈ میں موجودگی کو برداشت نہیں کر سکتے ہیں۔
اکرم کا بیان ایسے وقت آيا ہے جب خبریں آ رہی تھیں کہ پاکستان کرکٹ بورڈ (پی سی بی) کے کچھ رکن نہیں چاہتے کہ صدر شہریار خان کرکٹ کے مسائل پر اکرم سے صلاح مشورہ کریں جن میں ٹوئنٹی 20 ورلڈ کپ کے بعد نئی تقرریاں بھی شامل ہیں ۔
اکرم نے جیو نیوز سے کہاکہ اگر بورڈ کے کچھ رکن نہیں چاہتے کہ صدر مجھ سے مشورہ لیں یا نئے کوچ کی تقرری کے بارے میں مشورہ کریں تو ایسا کیوں ہے۔