NationalPosted at: Jan 24 2018 1:06PM راجیو قتل معاملہ: پیراريولن کی درخواست پر سی بی آئی کو نوٹس
نئی دہلی، 24 جنوری ( یواین آئی) سپریم کورٹ نے سابق وزیر اعظم راجیو گاندھی کے قاتل اے جی پیراريولن کی درخواست پر مرکزی تفتیشی بیورو (سی بی آئی) سے آج جواب طلب کیا۔
جسٹس رنجن گوگوئی کی صدارت والی بنچ نے پیراريولن کے وکیل کی دلیلیں سننے کے بعد سی بی آئی کو نوٹس جاری کیا۔ کورٹ نے جواب کے لئے جانچ ایجنسی کو تین ہفتے کا وقت دیا ہے۔ عمر قید کی سزا کاٹ رہے پیراريولن نے عدالت سے اس کےمجرم ٹھہرائے جانے کے 1999 کے فیصلے کو واپس لینے کا مطالبہ کیا ہے۔
قابل غور ہے کہ 12 دسمبر 2017 کو ہونے والی سماعت کے دوران بھی کورٹ نے کہا تھا کہ سابق وزیر اعظم راجیو گاندھی قتل کی تحقیقات میں سی بی آئی کچھ بھی حاصل نہیں کر سکی ہے۔ ایجنسی کو پھٹکار لگاتے ہوئے عدالت نے کہا تھا کہ ایم ڈی ایم اے (ملٹی ڈسيپلنري مانیٹرنگ ایجنسی) کی تفتیش سے لگتا نہیں کہ یہ کبھی ختم ہوگا۔ عدالت نے اس کے بعد آج تک کے لئے کیس کی سماعت ملتوی کر دی تھی۔
اس سے پہلے کی سماعت کے دوران عدالت نے راجیو قتل میں پیراريوالن کی اپیل پر مرکزی حکومت سے اپنا موقف دو ہفتوں کے اندر رکھنے کو کہا تھا۔ اس کا مطالبہ ہے کہ سی بی آئی جانچ پوری ہونے تک اس کی سزاکو برخاست کیا جائے۔
جاری،یو این آئی،اظ 1213
।