NationalPosted at: Jul 19 2018 11:49PM کانگریس کا سرکار پر ایم ایس پی کے نام پر ڈھونگ کر نے کا الزام
نئی دہلی، 19 جولائی (یواین آئی) کانگریس پارٹی نے حکومت کی طرف سے حال ہی میں مختلف فصلوں کے لئے طے شدہ امدادی قیمت (منیمم سپورٹنگ پرائز-ایم ایس پی) کو ناکافی قرار دیتے ہوئے آج پارلیمنٹ کے کیمپس میں مظاہرہ کیا اور کہا کہ وہ جمعہ کو عدم اعتماد کے قرارداد پر بحث کے دوران بھی اس مسئلے کو اٹھائےگي۔
کانگریس کے ممبران پارلیمنٹ نے صبح ایوان کی کارروائی شروع ہونے سے پہلے پارلیمنٹ کے کیمپس کے اندر اور پارلیمنٹ کے گیٹ پر ہاتھوں میں مکا لے کر مظاہرہ کیا۔ وہ ’ایم ایس پی نہیں یہ دھوکہ ہے‘‘ کے نعرے لگا رہے تھے۔کانگریس ممبر پارلیمنٹ جیوتی رادتیہ سندھیا نے الزام لگایا کہ حکومت نے فصلوں کی امدادی قیمت بڑھانے کا ڈھونگ کیا ہے۔ گزشتہ چار سال میں امدادی قیمت نہیں بڑھائی گئی ہے اور اب انتخابی سال میں حکومت ایم ایس پی کے نام پر حقیقی لاگت قیمت سے محض 10 فیصد زیادہ قیمت دے رہی ہے۔ انہوں نے کہا کہ چار سال میں کھاد اور ڈیزل کی قیمتوں میں کافی اضافہ ہوا ہے اور کسانوں کی لاگت طے کرتے وقت ان حقائق کو نظر انداز کیا گیا۔ مسٹر سندھیا نے کہا کہ حکومت نے پہلے ڈاکٹر ایم ایس سوامي ناتھن طرف سے بتائے سی -2 فارمولہ کی بنیاد پرلاگت طے کرنے اور اس پر ڈیڑھ گناایم ایس پی دینے کی بات کہی تھی۔ لیکن، اس نے اے 2 پلس ایف ایل فارمولہ پر لاگت کا حساب کر کے اس سےڈیڑھ گنا ایم ایس پی مقرر کیا۔ اس طرح اس نے کسانوں کے ساتھ دھوکہ کیا ہے۔
جاری،یو این آئی،اظ