NationalPosted at: Jul 20 2018 1:38PM ٹی ڈی پی کے شور شراپے کی وجہ سے راجیہ سبھا میں وقفہ صفر نہیں ہوا
نئی دہلی، 20 جولائی (یو این آئی) تیلگو دیشم پارٹی (ٹی ڈی پی) کے شور شرابہ کی وجہ سے راجیہ سبھا میں آج وقفہ صفر نہیں ہو سکا۔
راجیہ سبھا کے چیرمین ایم وینکیا نائیڈو نے صبح ایوان کی کارروائی شروع ہونے پر ضروری کاغذات ایوان میں ركھوانے کے بعد وقفہ صفر شروع کرتے ہوئے کانگریس کے آنند شرما کا نام پکارا تو ٹی ڈی پی کے سی ایم رمیش اپنی سیٹ سے کھڑے ہو گئے۔ انہوں نے راجیہ سبھا سکریٹریٹ کی ایک ریلیز دکھاتے ہوئے زور زور سے سے بولنا شروع کر دیا۔
مسٹر نائیڈو نے انهیں بولنے کی اجازت نہیں دی اور اپنے کمرے میں آکر ملنے کے لیے کہا۔ اس کے بعد بھی مسٹر رمیش نے بولنا جاری رکھا تو سماجوادی پارٹی اور عام آدمی پارٹی کے رکن بھی ان کی حمایت میں کھڑے ہو کر بولنے لگے۔ اس پر چیئرمین نے کہا کہ کسی کی بھی بات کارروائی میں نہیں کی جائے گی۔ اس کے بعد بھی شور شرابہ جاری رہنے پر انہوں نے ایوان کی کارروائی 12 بجے تک کے لئے ملتوی کر دی۔
یو این آئی۔ ع ا۔