NationalPosted at: Dec 16 2018 8:22PM بوفورس میں بچولیہ تھا،رافیل میں نہیں :جیٹلی
دہلی ،16جنوری (یواین آئی)وزیرداخلہ ارون جیٹلی نے رافیل اور بوفورس معاملہ کی ’غیر اخلاقی اورغیر منطقی موازنہ ‘کرنے پر کانگریس صدر راہل گاندھی پرنکتہ چینی کرتے ہوئے آج کہاکہ رافیل جنگی طیارہ سودے میں کوئی بچولیہ نہیں تھا اور نہ ہی کوئی دلالی دی گئی ۔
مسٹر جیٹلی نے ٹوئیٹ کرکے رافیل جنگی طیارہ کے سلسلہ میں وزیراعظم نریندرمودی پر تنقید کرنے والی اپوزیشن پارٹیوں پر حملہ کرتے ہوئے کہاکہ رافیل سودے کے تعلق سے جو جھوٹ بولے گئے ہیں وہ نمایاں ہوگئے ہیں ۔اس سلسلہ میں سپریم کورٹ کا فیصلہ بالکل واضح ہے ۔حکومت کے خلاف بولے گئے سبھی الفاظ جھوٹے ثابت ہوئے ہیں ۔
انھوں نے دعوی کیاکہ سپریم کورٹ کے فیصلے میں رافیل طیارہ سودے میں ضابطہ پر عمل درآمد پر اظہار اطمینان کیاگیاہے اور الزام غلط ثابت ہوئے ہیں ۔انھوں نے کہاکہ مسٹر گاندھی وراثت میں ملے بوفورس کے داغ سے پریشان ہیں اور رافیل اوربوفورس سودے کے تعلق سے غیر اخلاقی موازنہ کررہے ہیں ۔رافیل سودے میں کوئی بچولیہ نہیں تھا اور نہ ہی کوئی دلالی دی گئی ہے ۔
انھوں نے کہاکہ بین الاقوامی اور سرکاری تعاون سے ترقی پسند اتحاد حکومت کے دورمیں گھپلہ کرنے والوں کی حوالگی کرائی جارہی ہے ۔
یواین آئی۔ایف اے