NationalPosted at: Dec 16 2018 8:21PM مودی وزراء سمیت گنگا میں ڈبکی لگاکرکفارہ اداکریں : کانگریس
نئی دہلی، 16 دسمبر (یو این آئی) کانگریس نے وزیر اعظم نریندر مودی کی حکومت پر جھوٹ بولنے کا الزام لگاتے ہوئے آج کہا کہ مسٹر مودی کو اپنی کابینہ سمیت سنگم کے کنارے پر مقدس تروینی میں ڈبکی لگا کر کفارہ اداکرنا چاہئے۔
راجیہ سبھا میں کانگریس ڈپٹی لیڈر آنند شرما اور سینئر رہنما پرمود تیاری نے مودی پر حملہ کیا۔ مسٹر تیواری نے رافیل معاملے میں مسٹر مودی پر نشانہ لگاتے ہوئے کہا کہ انہیں لگتا تھا کہ دفاعی سودوں میں کافی ’پیسہ‘ حاصل ملتا ہے تبھی انہوں نے رافیل کا سودا اسی نیت کی وجہ سے اس طرح سے سودا کیا۔ انہوں نے کہا کہ مسٹر مودی کے اندرنہرو گاندھی خاندان کے تئیں زہر بھرا ہوا ہے۔ لہذا وہ گاندھی کے خاندان پر حملہ آور ہے۔
مسٹر تیواری نے مسٹر مودی کے رائے بریلی دورے پر تبصرہ کرتے ہوئے کہا کہ مودی حکومت نے امیٹھی اور رائے بریلی سے چھینا زیادہ ہے اور دیا بہت کم ہے۔ انہوں نے الزام لگایا کہ محترمہ سونیا گاندھی کے حلقہ میں ایک آل انڈیا میڈیکل انسٹیٹیوٹ (ایمس) منظور ہوا اور اس کی تعمیر بھی شروع ہو گئی تھی لیکن مودی حکومت کے دور میں کام ٹھپ پڑا ہے۔ کئی سال سے چلنے والی انڈین انفارمیشن ٹیکنالوجی کو بند کر دیا گیا ہے۔
جاری۔ یو این آئی۔ ع ا۔