NationalPosted at: May 19 2019 11:33PM ایگزٹ پول پر بی جے پی باغ باغ، کانگریس نے کہا کہ یہ صرف اندازہ ہے
نئی دہلی، 19 مئی (یو این آئی) مختلف ایگزٹ پول میں بھارتیہ جنتا پارٹی کی قیادت والے قومی جمہوری اتحاد کی مکمل اکثریت کے ساتھ حکومت بننے کے اندازہ سے حوصلہ پاکر پارٹی کے لیڈروں نے کہا ہے کہ پہلے سے ہی بی جے پی کو 300 سے زائد نشستیں ملنے کا بھروسہ ہے کانگریس نے کہا کہ یہ صرف ایک اندازہ ہے جو کئی بار غلط ثابت ہوا ہے۔
بی جے پی کے ترجمان سید شاہنواز حسین نے پولنگ کے بعد ہوئے سروے کو درست بتایا اور کہا ہے کہ انتخابی نتائج آنے پر پارٹی کو اس سے بھی زیادہ سیٹوں پر جیت ملے گی۔ انہوں نے کہا کہ کانگریس کی مہم کے دوران، وزیر اعظم نریندر مودی چور بتاکر گالی دیتی رہی ہے لیکن عوام نے اس کا جواب دیا ہے۔ بی جے پی کے رہنما نے کہا کہ جن نشستوں کو نشانہ بنایا گیا تھا ان میں بی جے پی جیت حاصل کر رہی ہے۔
کانگریس کے ترجمان ابیشک منو سنگھوی نے کہا کہ ایگزٹ پول سروے صرف ایک اندازہ ہے اور یہ آخری سچائی نہیں ہے۔ انہوں نے کہا کہ اس سے پہلے کئی بار ایگزٹ پول غلط ثابت ہوا ہے۔ مسٹر سنگھوی نے دہلی اسمبلی انتخابات کے وقت کے ایگزٹ پول کی مثال دی اور کہا کہ اس وقت ایگزٹ پول میں بی جے پی کو 23 سے 39 نشستیں دی گئی تھیں لیکن اسے صرف تین نشستیں ملیں۔ اسی طرح، 2015 میں بہار انتخابات میں نیشنل ڈیموکریٹک الائنس کی 111 سے 115 نشستیں دکھائی گئی تھیں اسے صرف 58 نشستیں ملی تھیں۔
جاری۔ یو این آئی۔ ع ا۔