NationalPosted at: Jun 19 2019 11:09PM دہلی میں بھی وزیر اعظم رہائشی اسکیم کا فائدہ ملے گا
نئی دہلی، 19 جون (یو این آئی) دہلی میں وزیر اعظم کی رہائشی اسکیم کا فائدہ اٹھانے کے خواہاں دہلی شہری سکونت بہتری بورڈ اور دہلی ڈیولپمنٹ اتھارٹی کے رہائشی محکمہ سے رابطہ کر سکتے ہیں۔
مرکزی رہائش اور شہری ترقیات کی وزارت نے بدھ کو یہاں بتایا کہ دہلی کے سلسلے میں، دہلی شہری سکونت بہتری بورڈ کو دہلی میں رہائش گاہوں کی مانگ کے سروے کی ذمہ داری دی گئی ہے لیکن دہلی حکومت نے وزیر اعظم کی رہائشی اسکیم - شہری مشن کے تحت رہائش بنانے کی کوئی بھی تجویز مرکزی حکومت کو نہیں بھیجی ہے۔ ایسی صورت میں دہلی میں رہائش گاہوں کے خواہش مند لوگ مرکز کی رہائش اور شہری ترقیات کی وزارت میں براہ راست درخواست جمع کرسکتے ہیں۔ اگرچہ اس مشن کے تحت درخواست براہ راست طور پر قبول کئے جانے کا کوئی قانون نہیں ہے، تاہم، درخواست گزار اس وزارت کی ویب سائٹ پر آن لائن رجسٹریشن کر سکتے ہیں۔
وزارت کے مطابق دہلی میں رہائش کے لئے دہلی شہری سکونت بہتری بورڈ اور دہلی ڈیولپمنٹ اتھارٹی کے رہائشی سیکشن میں رابطہ کیا جا سکتا ہے۔ اس سلسلے دونوں اداروں کو ضروری ہدایات جاری کر دی گئی ہیں۔
یو این آئي ۔م ش۔ 2245