نئی دہلی،10اکتوبر(یواین آئی)نائب صدر ایم وینکئیا نائیڈو کوموروس اور سیئرا لیون کے پانچ روزہ دورے پر جمعرات کو روانہ ہوگئے۔
نائب صدر جمہوریہ کے ساتھ ایک اعلی سطحی وفد میں ڈیری اور مویشی پروری کے مرکزی وزیر مملکت سنجیو بالیان ،راجیہ سبھا رکن رام ویچار نیتام اور حکومت کے اعلی افسران بھی گئےہیں۔
سرکاری ذرائع کے مطابق مسٹر نائیڈو 10سے 12 اکتوبر تک کوموروس اور 12سے 14اکتوبر تک سیئرا لیون کے دورے پر رہیں گے۔