NationalPosted at: Mar 30 2020 11:05PM نیٹ اور جے این یو داخلہ امتحان کے فارم بھرنے کی تاریخ بڑھی
نئی دہلی، 30 مارچ (یو این آئی) نیشنل ٹیسٹنگ ایجنسی نے کورونا وبا کے پیش نظر یونیورسٹی گرانٹ کمیشن (یو جی سی) قومی اہلیت کا امتحان اور جواہر لال نہرو یونیورسٹی (جے این یو) انٹرینس امتحان سمیت سات امتحانات کے لئے آن لائن فارم داخل کرنے کی تاریخ میں اضافہ کردیا ہے۔
نیشنل ٹیسٹنگ ایجنسی کی آج رات جاری ریلیز کے مطابق جے این یو داخلے، اندرا گاندھی نیشنل اوپن یونیورسٹی پی ایچ ڈی اور ایم بی اے انٹرینس امتحان، آل انڈیا ہوٹل منیجمنٹ امتحان کے لئے فارم بھرنے کی آخری تاریخ 30 اپریل کردی گئی ہے۔ اس کے علاوہ یو جی سی نیٹ اور سی ایس آئی آر نیٹ کے لئے داخلے کی آخری تاریخ 16 مئی اور 15 مئی کردی گئی ہے۔ آل انڈیا آیوش پی جی داخلے کی آخری تاریخ 31 مئی کردی ہے۔ طلبا نیٹ بینکنگ ڈیبٹ اور کریڈٹ کارڈ سے فیس ادا کرسکتے ہیں۔
یو این آئی۔ این یو۔